Mlumun u Bibilo i ne yô

Een, sha ci u iwasen i hemban cii yô, ka hen “Aôndo u A surun mba ve hir ayol a ve ijime la asema” la i ve ye.​—2 Mbakorinte 7:6,.

Kwagh u Aôndo a eren sha u surun mba asema a vihi ve la asema yô

  • Tahav. Aôndo “surun” we ishima, ka sha u karen a mbamzeyol ou cii kera ga, kpa ka sha u ungwan mbamsen ou shi nan we tahav mbu nôngon a ve. (Mbafilipi 4:13) Na jighjigh wer una ungwa mbamsen ou. Bibilo kaa ér: “TER ngu ikyua a mba asema a vihin ve la, yem mba ve lu a ishima i zamber yô.” (Pasalmi 34:18) Jighilii yô, Aôndo ka a ungwa u shighe u u yer un yô, aluer u fatyô u ôron un er i lu u la vindi vindi ga je kpaa.—Mbaromanu 8:26, 27.

  • Ior mba ve ver se ikyav i dedoo la. Yange orngeren Bibilo ugen er msen hen Aôndo kaa ér: “Ka shin aiv je m yer U ye.” Orpasalmi yange zua a msurshima shighe u ishima vihi un la sha u umbur er Aôndo a keghen a kegh iyol u den se kwaghbo yô. Nahan a gema a kaa a Aôndo ér: “Aluer Wea we aferakaa ikyo yô, ka an ma nan til sha, Tere? Kpa We U ngu a mde u asorabo, sha er á cia U yô.”​—Pasalmi 130:1, 3, 4.

  • Ishimaverenkeghen. Dugh msurshima i Aôndo a lu nan se hegen ne je kpa, Aôndo tôndo zwa ér una va kar a mbamzeyol mba ve ne se ishimavihin mbara cii kera. Shighe u ityendezwa na ne ia kure sha mi la, “á kera umbur akaa a tsuaa la ga [kua ishimavihin kpaa], man shi aa kera va or ken ishima kpaa ga.”​—Yesaia 65:17.

Fa kwagh ne: Mbashiada mba Yehova fa iwasen i Aôndo a ne ve la, shi ka ve nôngo ve er kwagh u ve fetyô la, sha u keren igbenda i sôron iangev er angev mbu ken ityou nahan ken iyouci kpaa. (Marku 2:17) Nahan kpa, se mba tesen ior gbenda u vea sôron iangev vev ga; se nenge ser hemba doon u hanma or nana tsua kwagh u nan soo la iyol i nan.