Aver yem sha atineakaa

Aver yem sha itinekwagh i vesen i sha uhar

Mbashiada mba Yehova

Tiv

Me Er Nan Ve Me Kera Lu ken Zayol Vea Tica Wam Ga?

Me Er Nan Ve Me Kera Lu ken Zayol Vea Tica Wam Ga?

Hide hen sha kwagh ne!

Nenge kwagh u yange er Rachel ne. Rachel yange yaan ikyaren ken makeranta tsembelee. Kpa va nyôron nongo 7 yô, kwagh gema kposo. Rachel kaa wener: “Tica wam yange nôngo sha afatyô na cii ér saa una gbam ikyaren keng.” Ka nyi yange i lu zayolo? Tica la yange kaa a Rachel man ngô na wang ér un soo ve ga sha ci u kwaghaôndo ve la.

Atica nga er awen nahan, u fatyô u unden sha a peren lanegh za zuan a kwaghfan, kpa ka we i gbe u ú unde sha a ye

Ka nyi yange i ere? Rachel kaa ér: “Hanma shighe tica wam ne yange a makem ikyaren sha inja ga, sha ci u kwagh wam doo un ga; nahan ngôm a va kohol mo se za lam a na sha kwagh ne. Ken masejime yô, va de u eren kwagh ne a mo.

Aluer imba kwagh ne er u yô, taver ishima za ôr mbamaren ou. Vea za lam a tica shon kpee je, gayô vea lam a mbahemen mba makeranta shon sha u sôron zayol ne.

Nahan cii kpa, ka zayol mban cii ve fe za kuren tsembelee ga. Ashighe agen ka i gba u u wa ishima a ve. (Mbaromanu 12:17, 18) Tanya, wankwase ugen kaa ér “Tica wam ugen yange eren a mbayevmakeranta dang, yange a shi tuhwan se côu côu. Sha hiihii la yange kwagh ne a vihim je m vaa. Kpa m va hen u wan ityuhwanev nav ikyo ga. M ver ishima sha kwaghhenen wam ken kelase. Kwagh ne na yô, kera zam iyol ga, shi m va lu môm ken mba ve ya ikyaren na yô. Anyom nga karen ahar yô, i de tica la tom.

Jindikwagh: Hen u wan ishima a tica u taver inja, nahan u seer lun a kwaghfan u una wase ú shighe u ú va lu a orvesen u ken tom u taver inja kpaa yô. (1 Peteru 2:18) Shi u hen u wan tica u injaa ikyo shighe u u zough a nan yô.