Aver yem sha atineakaa

Aver yem sha itinekwagh i vesen i sha uhar

Mbashiada mba Yehova

Tiv

Me Hendan a Imeen Nena?

Me Hendan a Imeen Nena?

Kwagh u ú fatyô u eren yô

Hiihii yô, fa wer nyityôkwagh i azende ou a er cii kpa, ka kwagh u we u tsough u eren la u ya ibo sha mi ye.

Usha uhar, fa kwagh u a hemban mgbeghan we shin kighir we u eren kwaghbo la.

U dondon yô, pine iyol you wer, ka hanma shighe ka m tagher a Mkighir nee? (Ka ken makerantaa? Ka sha tomo? Shin ka ijiir igene?) Aluer u fa shighe u mkighir ne una va yô, a hemba lun we zange u palegh un jimin cii.

Hegen ne, u wa iyol u eren kwagh sha ikyaa ne ve. Nahan kwagh u hiihii yô, vande nengen igbenda i u fatyô u panden shin been a mkighir ne yô. (Ikyav i tesen yô: Aluer ka wea due makeranta wea yemen u tagher a mbakov wou ve kighir we ér u ma taav yô, u fatyô u karen gbenda ugen sha er u kera nenge a ve ga yô.) Umbur wer: Mbayev mba ve senge ér mba azende a ou ve, ve kighir we ér u er kwaghbo la, ka azende a ou kpôô kpôô ga.

Ka wea gba ken imeen yô, u hingir kpan u asaren a ou la

Ka mimi u fatyô u palegh hanma mkighir ga. U fatyô va tagher a imeen i aburabur i taver je kpaa. Nahan ka nyi u er sha mi?

Jindikwagh yô, ka u wan iyol!

Hen ase sha mi: Yesu yange fa kwagh u un til sha mi yô. Yange kange ishima ér una ungwa imo i Ter na sha hanma ian cii. (Yohane 8:28, 29) Jindikwagh yô, ka u fan kwagh u ú til sha mi la.

Kar eren kwagh ne nenge. Nenge wea umbur atôakyaa ahar, a a ne ve i doo u ú nyagh mkighir u ka u tagher a mi hanma shighe la yô, shi hen sha igbenda ihiar i u er kwagh sha mi ve a wase u yô.

Er nan u de ior mbagenev ve daase a we sha? Tese wer u via kuma u eren kwagh u u fe wer ka u shami la. (Mbakolose 3:5) Shi er msen Aôndo a wase u u eren kwagh ne.—Mateu 6:13.