Kwagh u u fatyô u eren yô

Hiihii yô, vande fan ambaaior aa ka i hemba taver we u lun a ve la.

Anyom:

Ka i taver mo u lun a . . .

  • mbakov wam

  • agumaior a a hembem yô

  • mbaganden

Akaaeren a ve:

Ka i taver mo u lun a ior mba . . .

  • eren anumbe

  • lun a mfe sha akaa

  • fan takerada

Aeren a ve:

Ka i taver mo u lun a ior mba . . .

  • lun a vangertiôr

  • zan iti

  • keren u lun a nongo

U sha uhar yô, nenge ngeren u a lu shiin ne, nahan tsua kwagh ka u er shighe u u tagher a ambaaior ne yô.

  • ka m er inja vough er mo kpa m ngu imbaor i ve lu la nahan, shin m tese mer akaa a a doo ve la mo kpa a doom nahan.

  • kwagh gban mo sha asaren a ve ga, kpa ka m ôr kwagh u a saren mo la.

  • ka m lu ving, m keren gbenda u karen kera.

U sha utar yô, kar a ishima er kwagh! De deen wer hanma shighe ior ve vaan hen we ga; we kpa u fatyô u zan hen a ve. (Mbafilipi 2:4) U er kwagh ne nena?

De keren mbakov wou tseegh ga. Hen sha kwagh ne: Aluer u ngu keren azende hen mbakov wou tseegh yô, hii nan man u gbe ahon wer u ngu a azende ga? Kwagh la a lu inja er u ngu kpen ijen ken icile man ishu gema ngi kpishi shin mngerem ma ma kase u la nahan!

Wankwase ugen u i yilan un ér Helena yô, kaa wener: “Mama wam yange taver mo ishima ér m lamen a mba ve lu tamen a mo yô. A kaa ér a kpiligh mo iyol u nengen er mo vea a ve se lu a akaa kpishi a a zough yô. Yange ôr lu mimi, hegen m nger a azende”.

Hen fa igbenda i lamen a ior. Kwagh u vesen u una wase u yô, (1) ungwa (2) pine mbampin shi (3) tese isharen sha gbashima.—Yakobu 1:19.

Serena, wankwase u lun anyom 18 kaa wener: “Ka m nongo mer me hemban keghen ato a u lamen. Man zum u ka mea lamen yô, m hembe ôron kwagh wam tseegh shin m nengen mer mbagen gba kwagh ga ze.

Jared, wannomso u lun anyom 21 kaa ér: “Aluer or soo u lamen sha kwagh u m fe un ga yô, ka m pine nan nan seer pasen mo, kwagh ne ngu a na nan ian i hemban lamen cii.

Leah, wankwase ugen u lun anyom 16 di gema kaa ér: “M cian ashe, nahan ka m nongo kpoghuloo ve m lam ye. Kpa u or nana lu a azende yô, saa nana lu sar sar. Nahan m hii u lamen.