ናብ ትሕዝቶ ኺድ

ናብ ትሕዝቶ ኺድ

ናይ የሆዋ መሰኻኽር

ቋንቋ ምረጽ ትግርኛ

 ክርስትያናዊ ህይወት

ጀይ ዳብሊው ላይብረሪ እትጥቀመሉ መገድታት

ጀይ ዳብሊው ላይብረሪ እትጥቀመሉ መገድታት

ንመጽናዕቲ፦

  • መጽሓፍ ቅዱስን ጥቕሲ ዕለትን ኣንብብ

  • ዓመት መጽሓፍን መጽሔታትን ካልእ ጽሑፋትን ኣንብብ። ነቲ ዕልባት ዚብል ክፋል ተጠቐመሉ

  • ንኣኼባታት ጉባኤ ተዳሎ፣ ነቲ መልስታት ከኣ ኣስምረሉ

  • ቪድዮታት ርአ

ኣብ ኣኼባታት፦

  • እቲ ተዛራባይ ንዝጠቐሶ ጥቕስታት ርኸብ። ነታ ኸፊትካያ ዝነበርካ ጥቕሲ ምእንቲ ኽትምለሳ፡ ነቲ ታሪኽ ዚብል ክፋል ተጠቐም

  • ናብ ኣኼባታት፡ ብዙሕ እተሓትመ ጽሑፋት ሒዝካ ኣብ ክንዲ እትመጽእ፡ ንኽፍልታት እቲ ኣኼባ ንምክትታልን መዝሙራት ንምዝማርን፡ ኤለክትሮኒካዊ መሳርሒኻ ተጠቐም። ጀይ ዳብሊው ላይብረሪ፡ ኣብቲ እተሓትመ መጽሓፍ መዝሙር ዘይርከብ ሓደስቲ መዝሙራት ኣለዎ

ኣብ ኣገልግሎት፦

  • ተገዳስነት ንዘርኣየ ሰብ፡ ካብ ጀይ ዳብሊው ላይብረሪ እተወሰነ ነገራት ኣርእዮ፣ ድሕሪኡ፡ ነቲ ኣፕሊኬሽንን ንጽሑፋትን ናብ ኤለክትሮኒካዊ መሳርሒኡ ኼራግፍ ሓግዞ

  • ንሓንቲ ጥቕሲ መጽሓፍ ቅዱስ ምእንቲ ኽትረኽባ፡ ነቲ ድለ ዚብል ክፋል ተጠቐም።

  • ቪድዮ ኣርኢ። እቲ ብዓል ቤት ቈልዑ እንተ ኣልይዎ፡ ሓንቲ ኻብተን ዓርኪ የሆዋ ኹን ዘርእስተን ቪድዮታት ከተርእዮም ትኽእል ኢኻ። ወይ ድማ ንመጽናዕቲ መጽሓፍ ቅዱስ ተገዳስነት ንምልዕዓል፡ ነታ መጽሓፍ ቅዱስ ከተጽንዕ ዘሎካ ስለምንታይ ኢኻ፧ ዘርእስታ ቪድዮ ኸተርኢ ትኽእል ኢኻ። ሓደ ሰብ ካልእ ቋንቋ ዚዛረብ ምስ ዚኸውን፡ ብቛንቋኡ እተዳለወ ቪድዮ ኣርእዮ

  • ንሓደ ሰብ ካብቲ ኣቐዲምካ ዘራገፍካዮ ብኻልእ ቋንቋ እተዳለወ ትርጉም መጽሓፍ ቅዱስ ጥቕሲ ኣንብበሉ። ነታ ጥቕሲ ንምኽፋት፡ ኣብታ ዝደለኻያ ፍቕዲ ጠውቕ፣ ብድሕሪኡ፡ ኣብታ ብኻልእ ቋንቋ እተዳለወ ትርጉም እተርኢ ምልክት ጠውቕ