ናብ ትሕዝቶ ኺድ

ናብ ተወሳኺ ዝርዝር ኪድ

ናብ ትሕዝቶ ኺድ

ናይ የሆዋ መሰኻኽር

ትግርኛ

ክርስትያናዊ ህይወትናን ኣገልግሎትናን–ደብተር ኣኼባ  |  ታሕሳስ 2016

 ክርስትያናዊ ህይወት

“እነኹ፡ ልኣኸኒ!”

“እነኹ፡ ልኣኸኒ!”

ኢሳይያስ ንዘርኣዮ መንፈስ ፍቓደኛነት ክንቀድሖ ይግባእ። ዋላ እኳ ንዅሉ ዝርዝር ነገራት እንተ ዘይፈለጦ፡ እምነት ከም ዘለዎን ኪሕግዝ ድልዊ ኸም ዝዀነን ብኡብኡ ኣርእዩ እዩ። (ኢሳ 6:8) ንስኻኸ፡ ኣብቲ ዝያዳ ኣወጅቲ መንግስቲ ኣምላኽ ዜድልዩሉ ቦታታት ምእንቲ ኸተገልግል ኵነታትካ ኸተተዓራሪ ምኸኣልካዶ፧ (መዝ 110:3) ሓቂ እዩ፡ ብዛዕባኡ ኣቐዲምካ ‘ኽትጽብጽብ’ ኣገዳሲ እዩ። (ሉቃ 14:27, 28) ይኹን እምበር፡ ምእንቲ ዕዮ ስብከት ኢልካ መስዋእቲ ኽትከፍል ፍቓደኛ ኹን። (ማቴ 8:20፣ ማር 10:28-30) ዝያዳ ዓየይቲ ኣብ ዜድልዩሉ የገልግሉ ኣብ ዘርእስታ ቪድዮ ኸም ዝጐልሐ፡ እቲ እንገብሮ መስዋእቲ እንታይ ምዃኑ ብዘየገድስ፡ ምስቲ ኣብ ኣገልግሎት የሆዋ እንረኽቦ በረኸት ዚወዳደር ኣይኰነን።

ነታ ቪድዮ ምስ ረኣኻያ፡ ነዚ ዚስዕብ ሕቶታት መልሶ፦

  • ኣባላት ስድራ ቤት ዊልያምስ ኣብ ኢኳዶር ምእንቲ ኼገልግሉ እንታይ ብሕታዊ መስዋእትታት እዮም ከፊሎም፧

  • ዜገልግሉሉ ቦታ ኺመርጹ ኸለዉ፡ እንታይ ረቛሒታት እዮም ኣብ ግምት ኣእትዮም፧

  • እንታይ በረኸት ረኺቦም፧

  • ዝያዳ ዓየይቲ ኣብ ዜድልይሉ ቦታ ንምግልጋል፡ ዝያዳ ሓበሬታ ኽትረክብ እትኽእል ኣበይ ኢኻ፧

ኣብ ዚቕጽል ኣምልኾ ስድራ ቤት፡ ነዚ ዚስዕብ ሕቶታት ተመያየጡሉ፦

  • ኣገልግሎትና ብስድራ ቤት ከነስፍሕ እንኽእል ብኸመይ ኢና፧ (km 8/11 4-6)

  • ዝያዳ ዓየይቲ ኣብ ዜድልዩሉ ቦታ ኼድና ኸነገልግል ዘይንኽእል እንተ ደኣ ዄንና፡ ኣብ ጉባኤና በየናይ መገድታት ክንሕግዝ ንኽእል፧ (w16.03 23-25)