ዚርከበሉ ኣገባብ ኣዐሪ

ቋንቋ ምረጽ

ናብ ተወሳኺ ዝርዝር ኪድ

ናብ ትሕዝቶ ኺድ

ናብ ትሕዝቶ ኺድ

ናይ የሆዋ መሰኻኽር

ትግርኛ

ግምቢ ዘብዐኛ ጥቅምቲ 2015

መልሲ ሕቶታት መጽሓፍ ቅዱስ

መልሲ ሕቶታት መጽሓፍ ቅዱስ

ድኽነት ዘይህልወላ ዓለም ክትመጽእ ትኽእል ድያ፧

ኣምላኽ፡ ድኽነት ዘይህልወላ ዓለም ዜምጽእ ብኸመይ እዩ፧ ማቴዎስ 6:9, 10

በብዓመቱ፡ ብሚልዮናት ዚቝጸሩ ሰባት ብሰንኪ ኽቱር ድኽነት ዚመጽእ ጕድለት ኣመጋግባን ሕማምን ይሞቱ እዮም። ገሊኡ ኽፋላት ዓለምና ብልጽግና ዘለዎ እኳ እንተዀነ፡ መብዛሕትኦም ሰባት ግና ገና ኣብ ክቱር ድኽነት እዮም ዚነብሩ ዘለዉ። መጽሓፍ ቅዱስ፡ ድኽነት ካብ ነዊሕ እዋን ዝጸንሐ ሽግር ደቂ ሰብ ከም ዝዀነ እዩ ዚሕብረና።ዮሃንስ 12:8 ኣንብብ።

ሓንቲ ዓለምለኻዊት መንግስቲ ምስ እትህሉ እዩ ድኽነት ኪጠፍእ ዚኽእል። ከምዚኣ ዝኣመሰለት መንግስቲ፡ ጸጋታት ዓለምና ንዅሉ ሰብ ብማዕረ ኸተመቓርሕን ነቲ ቐንዲ ጠንቂ ድኽነት ዝዀነ ውግእ ከም ዜኽትምን ክትገብር እትኽእል ክትከውን ኣለዋ። ኣምላኽ ከምዚኣ ዝኣመሰለት ዓለምለኻዊት መንግስቲ ኬምጽእ ምዃኑ ኣተስፍዩና ኣሎ።ዳንኤል 2:44 ኣንብብ።

ድኽነት ኬጥፍእ ዚኽእል መን እዩ፧

ኣምላኽ ንወዱ የሱስ ኣብ ልዕሊ ዅሎም ደቂ ሰብ ኪገዝእ ሸይምዎ ኣሎ። (መዝሙር 2:4-8) የሱስ ንድኻታት ኬናግፎም፡ ንግፍዕን ዓመጽን ከኣ ኬወግዶ እዩ።መዝሙር 72:8, 12-14

የሱስ፡ ብትንቢት እተነግረሉ “መስፍን ሰላም” ከም ምዃኑ መጠን፡ ዓለምለኻዊ ሰላምን ደሓንን ኬስፍን እዩ። ሽዑ ዅሎም እቶም ኣብ ምድሪ ዚነብሩ ሰባት፡ ኣብ ገዛእ ቤቶም ኪነብሩን ዜዕግብ ስራሕ ኪሰርሑን ኣኺሉ ዚተርፍ ምግቢ ኺረኽቡን እዮም።ኢሳይያስ 9:6, 7፣ 65:21-23 ኣንብብ።

 

ብዝያዳ ፍለጥ

የሱስ ኣብ መጻኢ እንታይ ኪገብር እዩ፧

የሱስ ኣብ ምድሪ ሰላም ንምስፋን ስጕምቲ ኺወስድ እዩ።

ንመላእ ዓለም እተመሓድር ሓንቲ መንግስቲ ትህልወና ደዀን ትኸውን፧

ሓንቲ ዓለምለኻዊት መንግስቲ ኸተምጽኦ እትኽእል ሰላምን ደሓንን እሞ ሕሰብ። ኣምላኽ ከምዚኣ ዝበለት መንግስቲ ኸም ዜቕውም ንእተመባጽዖ መብጽዓ እንኣምኖ ስለምንታይ ኢና፧ ብቑዕ ገዛኢ እዛ መንግስቲ ኪኸውን ዚኽእል መን እዩ፧