ዚርከበሉ ኣገባብ ኣዐሪ

ቋንቋ ምረጽ

ናብ ተወሳኺ ዝርዝር ኪድ

ናብ ትሕዝቶ ኺድ

ናብ ትሕዝቶ ኺድ

ናይ የሆዋ መሰኻኽር

ትግርኛ

ግምቢ ዘብዐኛ ጥቅምቲ 2015

 ገበር | ጸሎት ጥቕሚ ኣለዎዶ፧

ሰባት ዚጽልዩ ስለምንታይ እዮም፧

ሰባት ዚጽልዩ ስለምንታይ እዮም፧

“ውሉፍ ተጣላዒ እየ ነይረ። ክዕወት እሞ ብዙሕ ገንዘብ ክረክብ እጽሊ እኳ እንተ ነበርኩ፡ ዋላ ሓንቲ ውጽኢት ኣይነበሮን።”—ሳሙኤል፡ * ኬንያ።

“ኣብ ቤት ትምህርቲ ኽንጽሊ ኸለና ነቲ እተመሃርናዮ እተሸምደደ ጸሎት ጥራይ ኢና ንደጋግም ኔርና።” —ተሬዛ፡ ፊሊፒንስ።

“ጸገማት ኬጋጥመኒ ኸሎን ሓጢኣተይ ንኺሕደገለይን ዝሓሽኩ ክርስትያን ንክኸውንን እየ ዝጽሊ።”—ማግደሊን፡ ጋና።

እዚ ሳሙኤልን ተሬዛን ማግደሊንን ዝሃብዎ ርእይቶታት፡ ሰባት ብእተፈላለየ ምኽንያታት ከም ዚጽልዩን ገሊኡ ጸሎት ዝያዳ ትርጉም ከም ዘለዎን ዜርኢ እዩ። ገሊኦም ሰባት ዜቕርብዎ ጸሎት ልባዊ ኪኸውን ከሎ፡ ናይ ካልኦት ግና ካብ ልቢ ዝነቐለ ኣይኰነን። ይኹን እምበር፡ ብኣማእታት ሚልዮናት ዚቝጸሩ ሰባት፡ ናይ ቤት ትምህርቲ ፈተና ንኺሓልፉ፡ እታ ዝፈትውዋ ጋንታ ንኽትዕወት፡ ኣብ ናብራ ስድራ ቤቶም መሪሕነት ኣምላኽ ንኺረኽቡ ወይ ድማ ንኻልእ እተፈላለየ ምኽንያታት ምጽላይ ኣድላዪ ዀይኑ ይስምዖም እዩ። መጽናዕትታት ከም ዚሕብሮ፡ ገሊኦም ሃይማኖት ዘይብሎም ሰባት እውን ከይተረፉ ስርዓታውያን ኰይኖም ይጽልዩ እዮም።

ንስኻኸ ትጽሊዶ፧ ትጽሊ እንተ ዄንካ ንምንታይ ኢኻ ትጽሊ፧ ናይ ምጽላይ ልማድ ይሃሉኻ ኣይሃሉኻ ብዘየገድስ፡ ‘ጸሎት ጥቕሚ ኣለዎ ድዩ፧ ጸሎት ዚሰምዕ ኣካል ኣሎዶ፧’ ኢልካ ትሓስብ ትኸውን። ሓደ ጸሓፊ፡ ንጸሎት ከም “ሓደ ኣገባብ ሕክምና” ገይሩ ጥራይ ከም ዚርእዮ ገለጸ። ገሊኦም ክኢላታት ሕክምና እውን “ከም ኣማራጺ መድሃኒት” ገይሮም እዮም ዚገልጽዎ። እቶም ዚጽልዩ ሰባት ትርጉም ንዘይብሉ ልማድ ጥራይ ድዮም ዚስዕቡ፧ ካብ ጸሎት እቲ ዝበለጸ ኺረኽብዎ ዚኽእሉኸ ሕክምናዊ ጥቕሚ ጥራይ ድዩ፧

ብኣንጻር እዚ ግና መጽሓፍ ቅዱስ፡ ጸሎት ካብ ሓደ ኣገባብ ሕክምና ንላዕሊ ትርጉም ከም ዘለዎ ይገልጽ እዩ። ብዛዕባ ግቡእ ነገራትን ብቕኑዕ መገድን ንዚቐርብ ጸሎት ዚሰምዕ ኣካል ከም ዘሎ እዩ ዚነግረና። እዚ ግና ሓቂ ድዩ፧ ገለ መርትዖታት እስከ ንርአ።

^ ሕ.ጽ. 3 ገሊኡ ስማት ተቐዪሩ እዩ።