ዚርከበሉ ኣገባብ ኣዐሪ

ቋንቋ ምረጽ

ናብ ተወሳኺ ዝርዝር ኪድ

ናብ ትሕዝቶ ኺድ

ናብ ትሕዝቶ ኺድ

ናይ የሆዋ መሰኻኽር

ትግርኛ

ግምቢ ዘብዐኛ ሓምለ 2015

መልሲ ሕቶታት መጽሓፍ ቅዱስ

መልሲ ሕቶታት መጽሓፍ ቅዱስ

እከይ ካበይ እዩ መጺኡ፧

ንየሱስ ዝፈተኖ መን እዩ፧ —ማቴዎስ 4:8-10

ሰባት ብባህርዮም ሰላማውያን፡ ሓቀኛታት፡ ከምኡ እውን ሕያዎት ኪዀኑ እዮም ዚደልዩ። ስለምንታይ ደኣ ኢና እሞ፡ መብዛሕትኡ ግዜ ዓመጽን ዘይፍትሓውነትን ጭከናን እንርኢ፧ ዜሰንብድ ጸብጻባት ዜና ኸኣ ልሙድ እዩ። ሰባት ሕማቕ ነገራት ኪገብሩ ዚደፋፍእ ኣካል ኣሎዶ፧1 ዮሃንስ 5:19 ኣንብብ።

ኣምላኽ ንሰባት እኩይ ነገራት ናይ ምግባር ዝንባለ ዘለዎም ገይሩ ድዩ ፈጢርዎም፧ ኣይፋሉን። የሆዋ ኣምላኽ ንደቂ ሰብ ብመልክዑ፡ ማለት ንፍቕሪ ኣምላኽ ናይ ምቕዳሕ ዝንባለ ዘለዎም ገይሩ እዩ ፈጢርዎም። (ዘፍጥረት 1:27፣ እዮብ 34:10) ይኹን እምበር፡ ናይ ምምራጽ ናጽነት ዘለዎም ገይሩ ብምፍጣር እውን ኣኽቢርዎም እዩ። እቶም ቀዳሞት ወለድና ኽፉእ ነገር ኪገብሩ ብምምራጾም፡ ንኣምላኽ ኪመስልዎ ኣይደለዩን፣ ዘይፍጹማት ድማ ኰኑ። ሓጢኣት ንምግባር ዘሎና ዝንባለ እምበኣር ካብኦም ኢና ወሪስናዮ።ዘዳግም 32:4, 5 ኣንብብ።

እከይ ንሓዋሩ ኪቕጽል ድዩ፧

ኣምላኽ ነቲ ሕማቕ ናይ ምግባር ዝንባለታትና ኽንቃለሶ እዩ ዚደልየና። (ምሳሌ 27:11) ስለዚ ኸኣ፡ ሕማቕ ነገር ካብ ምግባር ብኸመይ ከም እንርሕቕን ናይ ሓቂ ሓጐስ ብኸመይ ከም እንረክብን ይምህረና እዩ። ኣብዚ ግዜ እዚ ግና ንፍቕሪ ኣምላኽ ምሉእ ብምሉእ ከነንጸባርቓ ኣይንኽእልን ኢና።መዝሙር 32:8 ኣንብብ።

ሎሚ፡ እከይ ኣስፋሕፊሑ እኳ እንተሎ፡ ኣምላኽ ንግዜኡ ጥራይ እዩ ኪቕጽል ፈቒዱ፣ እዚ ኸኣ ኵሎም ሰባት ነቲ ዜሕዝን ሳዕቤናት እከይ ምእንቲ ኺርእይዎ እዩ። (2 ጴጥሮስ 3:7-9) ይኹን እምበር፡ ድሕሪ ሓጺር ግዜ፡ ምድሪ በቶም ንኣምላኽ ዚእዘዝዎ ሕጉሳት ሰባት ክትመልእ እያ።መዝሙር 37:9-11 ኣንብብ።

 

ብዝያዳ ፍለጥ

ኣምላኽ ንምድሪ ዘለዎ ዕላማ እንታይ እዩ፧

መጽሓፍ ቅዱስ፡ ኣምላኽ ንምድሪ ዝፈጠራ ስለምንታይ ምዃኑ፡ መከራ መዓስ ከም ዜብቅዕ፡ ከምኡውን ኣብ ዚመጽእ ምድሪ እንታይ ከም እትኸውንን ነቶም ኣብኣ ዚነብሩ ሰባት እንታይ ከም ዜጋጥሞምን ይገልጽ እዩ።