ዚርከበሉ ኣገባብ ኣዐሪ

ቋንቋ ምረጽ

ናብ ተወሳኺ ዝርዝር ኪድ

ናብ ትሕዝቶ ኺድ

ናብ ትሕዝቶ ኺድ

ናይ የሆዋ መሰኻኽር

ትግርኛ

ግምቢ ዘብዐኛ ሚያዝያ 2015

መልሲ ሕቶታት መጽሓፍ ቅዱስ

መልሲ ሕቶታት መጽሓፍ ቅዱስ

ንደቂ ሰብ ኣብ መጻኢ እንታይ ተዳልዩሎም ኣሎ፧

ሞት የሱስ ንሓድሕዶም ዚፋቐሩ ሰባት ዝሓቘፈ ሕብረተ ሰብ ዜቕውም ብኸመይ እዩ፧

ደቂ ሰብ ስነ ፍልጠታዊ ምዕባለታት ምግባሮም ከም ዚቕጽሉ ዜጠራጥር ኣይኰነን። ግናኸ፡ ንሓድሕዶም ዚተሓላለዩ ሰባት ዝሓቘፈ ሕብረተ ሰብ ባዕሎም ኬቝሙ ይኽእሉ ድዮም፧ ኣይፋሎምን። ሎሚ ዓለም ብስስዐ እያ እትምራሕ ዘላ። ይኹን እምበር፡ ኣምላኽ ንደቂ ሰብ ዚጠቅም ዕላማ ኣለዎ።—2 ጴጥሮስ 3:13 ኣንብብ።

ቃል ኣምላኽ፡ ኣብ ዚመጽእ እዋን ንሓድሕዶም ዚፋቐሩ ሰባት ዝሓቘፈ ዓለምለኻዊ ሕብረተ ሰብ ከም ዚህሉ ይገልጽ እዩ። ሽዑ ሰባት ብደሓን ኪነብሩ፡ ዚጐድኦም ከኣ ኣይኪህሉን እዩ።—ሚክያስ 4:3, 4 ኣንብብ።

ስስዐ ብኸመይ እዩ ኺውገድ፧

ኣምላኽ ንሰብ ኪፈጥሮ ኸሎ፡ ሰብ ዝዀነ ይኹን ናይ ስስዐ ባህርይ ኣይነበሮን። እቲ ቐዳማይ ሰብ ግና፡ ብምርጫኡ ንኣምላኽ ብዘይምእዛዙ፡ ፍጽምናኡ ኣጥፍአ። ንዓና ኸኣ ናይ ስስዐ ባህርይ ኣውረሰና። ይኹን እምበር፡ ኣምላኽ ብየሱስ ኣቢሉ ንደቂ ሰብ ፍጹማት ኪገብሮም እዩ።—ሮሜ 7:18, 21, 24, 25 ኣንብብ።

የሱስ ምስ ፍቓድ ኣምላኽ ብምስምማዕ፡ መስዋእቲ ዀይኑ ሞተ፡ ነቲ ብሰሪ ዘይምእዛዝ እቲ ቐዳማይ ሰብ ንዝመጸ ሳዕቤናት ደምሲስዎ እዩ። (ሮሜ 5:19) የሱስ በዚ ኸምዚ ኣቢሉ፡ ካብቲ ጌጋ ንምግባር ዚድርኽ ናይ ስስዕ ባህርይ ናጻ ዝዀኑ ሰባት ዝሓቘፈ ሕብረተ ሰብ ኬመጽእ እዩ።—መዝሙር 37:9-11 ኣንብብ።

 

ብዝያዳ ፍለጥ

ኣምላኽ ንምድሪ ዘለዎ ዕላማ እንታይ እዩ፧

መጽሓፍ ቅዱስ፡ ኣምላኽ ንምድሪ ዝፈጠራ ስለምንታይ ምዃኑ፡ መከራ መዓስ ከም ዜብቅዕ፡ ከምኡውን ኣብ ዚመጽእ ምድሪ እንታይ ከም እትኸውንን ነቶም ኣብኣ ዚነብሩ ሰባት እንታይ ከም ዜጋጥሞምን ይገልጽ እዩ።

እቲ ኻብ ኵሉ ዝበለጸ ውህበት ኣምላኽ ዝዀነ በጃ

በጃ እንታይ እዩ፧ ንዓኻኸ ብኸመይ ይጠቕመካ፧