ዚርከበሉ ኣገባብ ኣዐሪ

ቋንቋ ምረጽ

ናብ ተወሳኺ ዝርዝር ኪድ

ናብ ትሕዝቶ ኺድ

ናብ ትሕዝቶ ኺድ

ናይ የሆዋ መሰኻኽር

ትግርኛ

ግምቢ ዘብዐኛ ሓምለ 2014

መልሲ ሕቶታት መጽሓፍ ቅዱስ

መልሲ ሕቶታት መጽሓፍ ቅዱስ

ክንጽሊ ዘሎና ስለምንታይ ኢና፧

የሆዋ ኣምላኽ፡ ከይተሰከፍና ኣዘውቲርና ብዛዕባ ዜሻቕለና ነገራት ክንነግሮ ይደልየና እዩ። (ሉቃስ 18:1-7) ስለ ዚግደሰልና ድማ ይሰምዓና እዩ። ሰማያዊ ኣቦና ንኽንጽሊ ብለውሃት ካብ ዓደመና፡ ንዕድሚኡ ንምንታይ ዘይንቕበሎ፧—ፊልጲ 4:6 ኣንብብ።

ጸሎት፡ ሓገዝ ንኺህበና ኢልና ንኣምላኽ እንሓትተሉ መገዲ ጥራይ ዘይኰነስ፡ ንኽንቀርቦ ዚሕግዘና መገዲ እውን እዩ። (መዝሙር 8:3, 4) ንኣምላኽ ስምዒታትና ኣዘውቲርና ምስ እንገልጸሉ፡ ምስኡ ናይ ቀረባ ዕርክነት ንምስርት ኢና።—ያእቆብ 4:8 ኣንብብ።

ብኸመይ ኢና ኽንጽሊ ዘሎና፧

ክንጽሊ ኸለና፡ ኣምላኽ ናይ ርኣዩለይ ቃላት ክንጥቀም ወይ ዝሸምደድናዮ ጸሎት ክንደጋግም ኣይደልየናን እዩ። ፍሉይ ኣቃውማ ሰብነት ከነዘውትር እውን ኣይሓትተናን እዩ። ካብ ልቢ ኽንጽሊ እዩ ዚዕድመና። (ማቴዎስ 6:7) ንኣብነት፡ ኣብ ጥንታዊት እስራኤል፡ ሃና ኣብ ስድራ ቤታ ብዛዕባ ዘጋጠማ ዜጕሂ ነገር ጸልያ እያ። ጓሂኣ ናብ ሓጐስ ምስ ተቐየረ ግና፡ ልባዊ ጸሎት ብምቕራብ ንኣምላኽ ኣመስገነቶ።—1 ሳሙኤል 1:10, 12, 13, 26, 27፣ 2:1 ኣንብብ።

ኣየ ኸመይ ዝበለ ዜደንቕ መሰል ኰን እዩ ተዋሂቡና ዘሎ! ንፈጣሪ ሻቕሎትና ኽንገልጸሉ ንኽእል ኢና። ብዝገበሮ ነገራት ከኣ ክንውድሶን ከነመስግኖን ንኽእል ኢና። ነዚ ኽቡር መሰል እዚ ዕሽሽ ክንብሎ የብልናን። —መዝሙር 145:14-16 ኣንብብ።

[ኣብ ገጽ 16 ዘሎ ስእሊ]

መልሲ ተወሳኺ ሕቶታት መጽሓፍ ቅዱስ እንተ ደሊኻ፡ ኣብ ኢንተርነት ርአ

[ኣብ ገጽ 16 ዘሎ ስእሊ]

 

ብዝያዳ ፍለጥ

ብጸሎት ኣቢልካ ንኣምላኽ ቅረቦ

ክትጽሊ ኸለኻ ኣምላኽ ይሰምዓካ ድዩ፧ መልሲ እዛ ሕቶ እዚኣ ንምርካብ፡ መጽሓፍ ቅዱስ ብዛዕባ ጸሎት እንታይ ከም ዚምህር ክትርዳእ ኣሎካ።