ዚርከበሉ ኣገባብ ኣዐሪ

ቋንቋ ምረጽ

ናብ ተወሳኺ ዝርዝር ኪድ

ናብ ትሕዝቶ ኺድ

ናብ ትሕዝቶ ኺድ

ናይ የሆዋ መሰኻኽር

ትግርኛ

ግምቢ ዘብዐኛ ለካቲት 2014

መልሲ ሕቶታት መጽሓፍ ቅዱስ

መልሲ ሕቶታት መጽሓፍ ቅዱስ

መጽሓፍ ቅዱስ ብሓቂ ቓል ኣምላኽ ድዩ፧

ቃል ኣምላኽ ፍሉይ ኪኸውን ኢኻ እትጽበ፣ መጽሓፍ ቅዱስ ድማ ከምኡ እዩ። ብቢልዮናት ብዚቝጸር ቅዳሓት ተሓቲሙን ብኣማእታት ቋንቋታት ተተርጒሙን እዩ። እቲ ኣብ መጽሓፍ ቅዱስ ዚርከብ ጥበብ፡ ንህይወት ሰባት ናይ ምቕያር ሓይሊ ኣለዎ።—1 ተሰሎንቄ 2:13፣ 2 ጢሞቴዎስ 3:16 ኣንብብ።

መጽሓፍ ቅዱስ ብዛዕባ መጻኢ ብልክዕ ስለ ዚንበ፡ ካብ ኣምላኽ ከም ዝመጸ ንፈልጥ ኢና። ዝዀነ ይኹን ሰብ፡ ብርእሱ ብዛዕባ መጻኢ ኺንበ ኣይክእልን እዩ። ንትንቢት ኢሳይያስ እስከ ኸም ኣብነት ንርአ። ቅድሚ ውልደት የሱስ ሓደ ዘመን ይገብር እተጻሕፈ ቕዳሕ ትንቢት ኢሳይያስ፡ ኣብ ጥቓ ምዉት ባሕሪ ኣብ ዚርከብ በዓቲ ተረኺቡ እዩ። ከተማ ባቢሎን ማሕደር ሰብ ከም ዘይትኸውን ድማ ይገልጽ እዩ። እዚ ኸኣ፡ ድሕሪ ምድራዊ ኣገልግሎት የሱስ ብዙሕ ዓመታት ጸኒሑ ተፈጸመ።—ኢሳይያስ 13:19, 20፣ 2 ጴጥሮስ 1:20, 21 ኣንብብ።

መጽሓፍ ቅዱስ ብኸመይ እዩ ተጻሒፉ፧

መጽሓፍ ቅዱስ 1,600 ዓመት ኣቢሉ ኣብ ዚኸውን ንውሓት ዘለዎ ግዜ እዩ ተጻሒፉ። እቶም ንመጽሓፍ ቅዱስ ዝጸሓፍዎ 40 ዚዀኑ ሰባት፡ ብዛዕባ ሓደ ፍረ ነገር እዮም ጽሒፎም፣ እቲ ዝጸሓፍዎ እውን ንሓድሕዱ ፈጺሙ ኣይጋጮን እዩ። እዚ ኸመይ ኢሉ ኪኸውን ክኢሉ፧ ኣምላኽ ይመርሖም ስለ ዝነበረ እዩ።—2 ሳሙኤል 23:2 ኣንብብ።

ሓድሓደ ግዜ፡ ኣምላኽ ንጸሓፍቲ መጽሓፍ ቅዱስ ብመላእኽቲ፡ ብራእይ፡ ወይ ከኣ ብሕልሚ ይዛረቦም ነበረ። መብዛሕትኡ እዋን ግና፡ ነቲ ሓሳብ ኣብ ኣእምሮኦም እዩ ዜቐምጦ ነይሩ፣ ሽዑ ንሳቶም ንመልእኽቲ ኣምላኽ ብናታቶም ቃላት ገይሮም ይገልጽዎ ነበሩ።—ራእይ 1:1፣ 21:3-5 ኣንብብ።

ዝያዳ ፍለጥ

እቲ ኣምላኽ ዝሃበና መጽሓፍ ቅዱስ

መጽሓፍ ቅዱስ ብሕታዊ ጸገማትካ ኽትዋጽኣሉ ኺሕግዘካ ዚኽእል ብኸመይ እዩ፧ ነቲ ኣብኡ ተመዝጊቡ ዘሎ ትንቢታት ክትኣምኖ እትኽእል ስለምንታይ ኢኻ፧