ዚርከበሉ ኣገባብ ኣዐሪ

ቋንቋ ምረጽ

ናብ ተወሳኺ ዝርዝር ኪድ

ናብ ትሕዝቶ ኺድ

ናብ ትሕዝቶ ኺድ

ናይ የሆዋ መሰኻኽር

ትግርኛ

ግምቢ ዘብዐኛ ሕዳር 2013

መልሲ ሕቶታት መጽሓፍ ቅዱስ

መልሲ ሕቶታት መጽሓፍ ቅዱስ

ናብ ሰማይ ዚኸዱ መን እዮም፧ ስለምንታይከ፧

ብሚልዮናት ዚቝጸሩ ሰባት፡ ናብ ሰማይ ኪኸዱ ይደልዩ እዮም። የሱስ እውን፡ እቶም እሙናት ሃዋርያቱ፡ ኣብ ሰማይ ከም ዚነብሩ ተዛሪቡ ነይሩ እዩ። ቅድሚ ሙማቱ፡ ምስ ሰማያዊ ኣቦኡ ቦታ ኸም ዜዳልወሎም ተመባጺዑሎም እዩ።—ዮሃንስ 14:2 ኣንብብ።

ኣብ ምድሪ ዚነብሩ ዝነበሩ ሰባት፡ ሰማያዊ ትንሳኤ ዚረኽቡ ስለምንታይ እዮም፧ ኣብኡ እንታይ እዮም ኪገብሩ፧ የሱስ ንሃዋርያቱ፡ ነገስታት ከም ዚዀኑ ነጊርዎም ነይሩ እዩ። ኣብ ልዕሊ ምድሪ ድማ ኪገዝኡ እዮም።—ሉቃስ 22:28-30፣ ራእይ 5:10 ኣንብብ።

ኵሎም ጻድቃን ድዮም ናብ ሰማይ ዚኸዱ፧

ኣብ ሓያሎ ሃገራት፡ ቍጽሪ እቶም መራሕቲ ሒደት እዩ። ብተመሳሳሊ፡ እቶም የሱስ ካብ ሞት ኣተንሲኡ ሰማያዊ ህይወት ዚህቦም ሰባት፡ ኣብ ልዕሊ ምድሪ ስለ ዚገዝኡ፡ ቍጽሮም ሒደት ኪኸውን ኢና እንጽበ። (ሉቃስ 12:32) መጽሓፍ ቅዱስ፡ ቍጽሪ እቶም ምስ የሱስ ዚገዝኡ ሰባት ክንደይ ምዃኑ ብንጹር ይገልጽ እዩ።—ራእይ 14:1 ኣንብብ።

የሱስ ንገሊኦም ሰዓብቱ፡ ኣብ ሰማይ ቦታ ኣዳልዩሎም እዩ። ኣብኡ እንታይ ከም ዚገብሩ ትፈልጥዶ፧

ይኹን እምበር፡ እቶም ናብ ሰማይ ዚኸዱ ጥራይ ኣይኰኑን ዓስቦም ዚረኽቡ። እሙናት ተገዛእቲ እታ የሱስ ዝንጉሳ መንግስቲ እውን፡ ኣብታ ገነት እትኸውን ምድሪ ንዘለኣለም ኪነብሩ እዮም። (ዮሃንስ 3:16) ገሊኣቶም ድማ፡ ካብ ጥፍኣት እዚ ሕጂ ዘሎ እኩይ ስርዓት ድሒኖም ናብ ገነት ኪኣትዉ እዮም። ገሊኣቶም ከኣ ኣብታ ገነት እትኸውን ምድሪ ኺትንስኡ እዮም።—ምሳሌ 2:21፣ ዮሃንስ 5:28, 29 ኣንብብ።

ብዝያዳ ፍለጥ

መንግስቲ ኣምላኽ እንታይ እያ፧

ብዙሓት ሰባት ነታ ኣቡነ ዘበሰማያት ተባሂላ እትፍለጥ ጸሎት ይፈልጥዋ እዮም። እሞኸ፡ እቲ “መንግስትኻ ትምጻእ” ዚብል ሓረግ እንታይ ትርጉም እዩ ዘለዎ፧