ናብ ትሕዝቶ ኺድ

ናብ ተወሳኺ ዝርዝር ኪድ

ናብ ትሕዝቶ ኺድ

ናይ የሆዋ መሰኻኽር

ትግርኛ

ግምቢ ዘብዐኛ  |  ነሓሰ 2013

መልሲ ሕቶታት መጽሓፍ ቅዱስ

መልሲ ሕቶታት መጽሓፍ ቅዱስ

ኣምላኽ ንዅሉ ጸሎት ድዩ ዚሰምዖ፧

ኣምላኽ ካብ ኵሎም ኣህዛብ ንዚዀኑ ሰባት ይሰምዖም እዩ። (መዝሙር 145:18, 19) እቲ ቓሉ ዝዀነ መጽሓፍ ቅዱስ፡ ብዛዕባ ዝዀነ ይኹን ዜገድሰና ነገራት ንኣምላኽ ክንዛረቦ የተባብዓና እዩ። (ፊልጲ 4:6, 7) ገሊኡ ጸሎት ግና ንኣምላኽ የጕህዮ እዩ። ንኣብነት፡ እተሸምደደ ጸሎት ንኣምላኽ ኣየሐጕሶን እዩ።—ማቴዎስ 6:7 ኣንብብ።

ብዘይካዚ፡ ኣምላኽ ነቲ እቶም ደይመደይ ኢሎም ሕጉ ዚጥሕሱ ሰባት ዜቕርብዎ ጸሎት ይጸልኦ እዩ። (ምሳሌ 28:9) ንኣብነት፡ ብግዜ መጽሓፍ ቅዱስ፡ ኣምላኽ ነቶም ብቕትለት ምኽንያት ገበነኛታት ዝነበሩ እስራኤላውያን ከይሰምዖም ኣብዩ እዩ። ኣምላኽ ምእንቲ ኺሰምዓና፡ ገለ ብቕዓታት ከነማልእ ከም ዘሎና እምበኣር ንጹር እዩ።—ኢሳይያስ 1:15 ኣንብብ።

ኣምላኽ ንኺሰምዓና እንታይ ክንገብር ኣሎና፧

ብዘይ እምነት ንኣምላኽ ብጸሎት ክንቀርቦ ኣይንኽእልን ኢና። (ያእቆብ 1:5, 6) ኣምላኽ ከም ዘሎን ከም ዚሓልየልናን ክንኣምን ይግባእ። ናይ ሓቂ እምነት ኣብቲ ኣብ ቃል ኣምላኽ ዚርከብ መርትዖን መረጋገጽን እተመርኰሰት ስለ ዝዀነት፡ መጽሓፍ ቅዱስ ብምጽናዕ እምነትና ኸነደልድል ንኽእል ኢና።—እብራውያን 11:1, 6 ኣንብብ።

ብቕንዕናን ብትሕትናን ክንጽሊ ይግባእ። እቲ ወዲ ኣምላኽ ዝዀነ የሱስ እውን ከይተረፈ ብትሕትና እዩ ዚጽሊ ነይሩ። (ሉቃስ 22:41, 42) ስለዚ፡ ንኣምላኽ እንታይ ኪገብር ከም ዘለዎ ኣብ ክንዲ እንነግሮ፡ መጽሓፍ ቅዱስ ብምንባብ፡ ከነማልኦ ዚደልየና ብቕዓታት እንታይ ምዃኑ ንኽንርዳእ ክንጽዕር ኣሎና። ድሕሪኡ፡ ምስ ፍቓድ ኣምላኽ ተሰማሚዕና ኽንጽሊ ንኽእል።—1 ዮሃንስ 5:14 ኣንብብ።

ዝያዳ ፍለጥ

መጽሓፍ ቅዱስ ብሓቂ እንታይ እዩ ዚምህር፧

ብጸሎት ኣቢልካ ንኣምላኽ ቅረቦ

ክትጽሊ ኸለኻ ኣምላኽ ይሰምዓካ ድዩ፧ መልሲ እዛ ሕቶ እዚኣ ንምርካብ፡ መጽሓፍ ቅዱስ ብዛዕባ ጸሎት እንታይ ከም ዚምህር ክትርዳእ ኣሎካ።