ዚርከበሉ ኣገባብ ኣዐሪ

ቋንቋ ምረጽ

ናብ ተወሳኺ ዝርዝር ኪድ

ናብ ትሕዝቶ ኺድ

ናብ ትሕዝቶ ኺድ

ናይ የሆዋ መሰኻኽር

ትግርኛ

ግምቢ ዘብዐኛ ሓምለ 2013

መልሲ ሕቶታት መጽሓፍ ቅዱስ

መልሲ ሕቶታት መጽሓፍ ቅዱስ

ንዘለኣለም ብህይወት ምንባር ይከኣልዶ፧

ካብ ሞት ሓራ ኼውጽኣና ዚኽእል መሰናድዎ እንታይ እዩ፧

እቲ ቐዳማይ ሰብ ዝዀነ ኣዳም ንዘመናት ብህይወት ነይሩ እዩ። ኣብ መወዳእታ ግና፡ ኣሪጉ ሞተ። ካብ ሽዑ ንነጀው፡ ሰባት ንእርጋን ዜወግዱሉ ሓያሎ መገድታት ኬናድዩ ጸኒሖም እዮም። ኰይኑ ግና፡ ዛጊት ካብ ሞት ኬምልጥ ዝኸኣለ ሰብ የለን። ስለምንታይ፧ ኣዳም፡ ትእዛዝ ኣምላኽ ብምፍራሱ ስለ ዝሓጥአ፡ ኣሪጉ ሞይቱ እዩ። ንሕና እውን ካብ ኣዳም ሓጢኣትን እቲ መቕጻዕቲ ሓጢኣት ዝዀነ ሞትን ስለ ዝወረስና፡ ንኣርግ ኢና።—ዘፍጥረት 5:5፣ ሮሜ 5:12 ኣንብብ።

ደቂ ኣዳም ናይ ዘለኣለም ህይወት ምእንቲ ኽንረክብ ግና፡ በጃ ዚኸፍለልና ኣካል የድልየና እዩ። (እዮብ 33:24, 25) በጃ፡ ሓደ ሰብ ሓራ ንኺወጽእ ዚኽፈል ዋጋ እዩ። ንሕና ኸኣ ካብ ሞት ሓራ ኽንወጽእ የድልየና። (ዘጸኣት 21:29, 30) የሱስ ኣብ ክንዳና ምስ ሞተ፡ እቲ በጃ ተኸፍለ።—ዮሃንስ 3:16 ኣንብብ።

ናይ ዘለኣለም ህይወት ክንረክብ እንኽእል ብኸመይ ኢና፧

ካብ ሕማምን እርጋንን ሓራ ዚወጽእ፡ ኵሉ ሰብ ኣይኰነን። እቶም ከም ኣዳም ዝኣመሰሉ ንኣምላኽ ዘይእዘዝዎ ሰባት፡ ብህይወት ናይ ምንባር መሰል ኣይኪህልዎምን እዩ። ሓጢኣቶም እተሓድገሎም ሰባት ጥራይ እዮም ንዘለኣለም ዚነብሩ።—ኢሳይያስ 33:24፣ 35:3-6 ኣንብብ።

ሓጢኣትና ንኺሕደገልና ድማ ስጕምቲ ኽንወስድ ኣሎና። ነቲ ቓል ኣምላኽ ዝዀነ መጽሓፍ ቅዱስ ብምጽናዕ፡ ንፈጣሪና ኽንፈልጦ ኣሎና። መጽሓፍ ቅዱስ፡ ዝሓሸ ናብራ ብኸመይ ኪህልወና ኸም ዚኽእል ጥራይ ዘይኰነስ፡ ሞገስ ኣምላኽን ናይ ዘለኣለም ህይወትን ብኸመይ ክንረክብ ከም እንኽእል እውን ይምህረና እዩ።—ዮሃንስ 17:3፣ ግብሪ ሃዋርያት 3:19 ኣንብብ።

ብዝያዳ ፍለጥ

ሓጢኣትና ኺሕደገልና ይኽእል ድዩ፧

ኣምላኽ ንኸቢድ ሓጢኣት እውን ከይተረፈ ይቕረ ይብል ድዩ፧ ስምረት ኣምላኽ ክንረክብ እንተ ደሊና፡ እንታይ ክንገብር ኣሎና፧