ዚርከበሉ ኣገባብ ኣዐሪ

ቋንቋ ምረጽ

ናብ ተወሳኺ ዝርዝር ኪድ

ናብ ትሕዝቶ ኺድ

ናብ ትሕዝቶ ኺድ

ናይ የሆዋ መሰኻኽር

ትግርኛ

ግምቢ ዘብዐኛ (ሕታም መጽናዕቲ) ሓምለ 2013

ሓድሽ ኣባል ኣመሓዳሪ ኣካል

ሓድሽ ኣባል ኣመሓዳሪ ኣካል

ረቡዕ ንግሆ፡ 5 መስከረም 2012፡ ኣብ ሕቡራት መንግስትታት ኣመሪካን ካናዳን ንዘለዉ ስድራ ቤት-ኤል፡ ንኣማሓዳሪ ኣካል ናይ የሆዋ መሰኻኽር፡ ሓድሽ ኣባል ከም እተወሰኾም ብምልክታ ተነግሮም። ማርክ ሳንደርሰን ካብ 1 መስከረም 2012 ኣትሒዙ፡ ኣባል ኣመሓዳሪ ኣካል ኰይኑ ኺዓዪ ጀመረ።

ሓውና ሳንደርሰን፡ ኣብ ሳን ዲያጎ፡ ካሊፎርንያ፡ ሕቡራት መንግስትታት ኣመሪካ ብክርስትያን ወለዲ ተዀስኲሱ እዩ ዓብዩ፡ ብ9 ለካቲት 1975 ከኣ ተጠምቀ። ኣብ ሰስካችወን፡ ካናዳ፡ ብ1 መስከረም 1983 ፈላሚ ዀይኑ ኼገልግል ጀመረ። ኣብ ታሕሳስ 1990፡ ካብቲ ኣብ ሕቡራት መንግስትታት ኣመሪካ እተኻየደ ሻውዓይ ክፍሊ ቤት ትምህርቲ መሰልጠኒ ኣገልገልቲ (ሕጂ ንንጽል ኣሕዋት ዚኸውን ቤት ትምህርቲ መጽሓፍ ቅዱስ ዚብሃል ዘሎ) ተመረቐ። ሓውና ሳንደርሰን ኣብ ሚያዝያ 1991፡ ኣብ ደሴት ንዩፈንድለንድ፡ ካናዳ፡ ፍሉይ ፈላሚ ዀይኑ ንኼገልግል ተሸመ። ተተካኢ ሓላው ወረዳ ዀይኑ ድሕሪ ምግልጋሉ፡ ኣብ ለካቲት 1997 ኣባል ስድራ ቤት-ኤል ካናዳ ኪኸውን ተጸውዐ። ኣብ ሕዳር 2000፡ ናብ ቤት ጽሕፈት ሕቡራት መንግስትታት ኣመሪካ ተቐየረ፡ ኣብኡ ኸኣ መጀመርታ ኣብ ሓበሬታ ኣገልግሎት ሆስፒታል፡ ጸኒሑ ድማ ኣብ ክፍሊ ኣገልግሎት ዓየየ።

ኣብ መስከረም 2008፡ ሓውና ሳንደርሰን ኣብቲ ንኣባላት ኮሚተ ጨንፈር ዚኸውን ቤት ትምህርቲ ተኻፈለ፡ ብድሕሪኡ ድማ ኣባል ቤት ጽሕፈት ጨንፈር ፊሊፒንስ ኪኸውን ተሸመ። ኣብ መስከረም 2010፡ ናብ ሕቡራት መንግስትታት ኣመሪካ ንኺምለስ ዕደመ ቐረበሉ፡ ኣብኡ ኸኣ ሓጋዚ ኣገልግሎት ኮሚተ ኣመሓዳሪ ኣካል ኰይኑ ዓየየ።