ዚርከበሉ ኣገባብ ኣዐሪ

ቋንቋ ምረጽ

ናብ ተወሳኺ ዝርዝር ኪድ

ናብ ትሕዝቶ ኺድ

ናብ ትሕዝቶ ኺድ

ናይ የሆዋ መሰኻኽር

ትግርኛ

ንቕሑ! መጋቢት 2015

 ካብ ከባቢ ዓለም

ኣትኵሮ ኣብ ኣፍሪቃ

ኣትኵሮ ኣብ ኣፍሪቃ

ብዙሓት ውድባትን ውልቀ ሰባትን፡ ንህይወት ኣፍሪቃውያን ንምምሕያሽ ቀጻሊ ጻዕሪ ይገብሩ እዮም። ይኹን እምበር፡ እዛ ኽፍለ ዓለም እዚኣ፡ ሕጂ እውን እንተ ዀነ፡ ክንዲ እምባ ብዚኸውን ጸገማት እያ ተዋሒጣ ዘላ።

ዘይሕጋዊ ሃድን ሓርሽ

ብ2013 ኣብ ደቡብ ኣፍሪቃ፡ 1,004 ሓርሽ ብዘይሕጋዊ መገዲ ተቐትሉ፣ ብ2007 ግና 13 ጥራይ እዮም ተቐቲሎም ነይሮም። ብሰንኩ ብዙሕ ቀርኒ ሓርሽ እኳ እንተ ተረኽበ፡ እቲ ቐርኒ ብብዙሓት ሰባት ስለ ዚድለ፡ ሓደ ኪሎ ግራም ቀርኒ ሓርሽ ካብ ሓደ ኪሎ ግራም ወርቂ ይኸብር። ሓደ ቐርኒ ሓርሽ፡ ብፍርቂ ሚልዮን ዶላር ኪሽየጥ ይኽእል እዩ።

ነዚ ዚስዕብ ሕሰበሉ፦ መንግስትታት ንጥሕሰት ሕጊ የጥፍኣኦ ደዀን ይዀና፧—ኤርምያስ 10:23

ከይተነግረሉ ዚተርፍ ጉቦ

ትራንስፓረንሲ ኢንተርናሽናል ዚብሃል ውድብ ከም ዝሓበሮ፡ ሃገራት ምብራቕ ኣፍሪቃ፡ ካብ መላእ ዓለም ንላዕሊ ምስ ጉቦ ዚተሓሓዝ ዝለዓለ ገበን ዚፍጸመለን ቦታታት እየን። ኰይኑ ግና፡ ካብቶም ጉቦ ንኺህቡ ዚሕተቱ ሰባት ኣስታት 90 ሚእታዊት ዚዀኑ፡ ንዚምልከቶ ኣካል ኣይነግሩን እዮም። ኣፈኛ እቲ ውድብ፡ ኣብቲ ንኬንያ ዚምልከት ምዕራፍ፡ “እቶም ዜጋታት፡ መንግስቲ ነቲ ንብልሽውና ብዚምልከት ዚቐርበሉ ጸብጻብ ተቐቢሉ ገለ ለውጢ ኼምጽእ ከም ዚኽእል ኣይኣምኑን እዮም” በለ።

መጽሓፍ ቅዱስ እንታይ ይብል፧ “መማለዲ [ወይ ጉቦ] ነቶም ዚርእዩ የዕውር።”—ዘጸኣት 23:8

ኣፍሪቃውያን ተጠቀምቲ ኢንተርነት

ኢንተርናሽናል ቴለኮምዩኒኬሽን ዩንየን (ዓለምለኻዊ ሕብረት ቴለኮምዩኒኬሽን) ከም ዝሓበሮ፡ ኣብ መወዳእታ 2014፡ ዳርጋ 20 ሚእታዊት ኣፍሪቃውያን፡ ተጠቀምቲ ኢንተርነት ከም ዚዀኑ እዩ ዚግመት። ብዝሒ እቶም ብሞባይሎም ኣገልግሎት ኢንተርነት ንምርካብ ዚሓትቱ ኣፍሪቃውያን ዓማዊል፡ ካብቶም ኣብ መላእ ዓለም ዘለዉ ዓማዊል ንላዕሊ ብዕጽፊ ይውስኽ ኣሎ።