ናብ ትሕዝቶ ኺድ

ናብ ተወሳኺ ዝርዝር ኪድ

ናብ ትሕዝቶ ኺድ

ናይ የሆዋ መሰኻኽር

ትግርኛ

ንቕሑ!  |  መስከረም 2013

ካብ ከባቢ ዓለም

ካብ ከባቢ ዓለም

ኣርክቲክ

ኣብ ዩኒቨርሲቲ ካምብሪጅ፡ ብሪጣንያ፡ ፕሮፌሰር ፊዚክስ ውቅያኖስ ዝዀነ ፒተር ዋዳምስ ከም ዝገለጾ፡ “ኣብ ምዉቕ ወቕቲ ዚርአ መጠን በረድ፡ ርብዒ እቲ 30 ዓመት ይገብር ዝነበረ ጥራይ እዩ” በለ። ብ2012 ዳርጋ 50 ዚዀና መራኽብ፡ በቲ ብሰንኪ ምውሳኽ ሙቐት ዓለም ኣብ ሰሜናዊ ባሕሪ እተኸፍተ ሓድሽ መስመር ተጠቒመን እየን።

ዓለም

ኣብተን ድሕሪ ሕርሲ ዘለዋ መዓልትታት ዚዳሎ ጸባ ጡብ ኣደ፡ ልዕሊ 700 ዚዀኑ እተፈላለዩ ዓይነት ባክተርያ ዝሓዘ ምዃኑ ተፈሊጡ ኣሎ፣ እዚ ኸኣ ካብቲ ምሁራት እተጸበይዎ ንላዕሊ እዩ። እቶም ባክተርያ ኣብ ናይ ሓደ ሕጻን ስርዓተ ምሕቃቕ ምግብን ስርዓተ ምክልኻል ሕማምን እንታይ ጥቕሚ ኸም ዘለዎም፡ ተመራመርቲ ገና ዜጽንዕዎ ዘለዉ ጕዳይ እዩ።

ብሪጣንያ

ተመራመርቲ ስነ ፍልጠት ብሪጣንያ፡ ብዛዕባ ምምራሕ ማኪና ኣብ ዝገበርዎ መጽናዕቲ፡ ንቕሓት እቶም ጕንፋዕ ዝሓዞም መራሕቲ ማኪና፡ ካብቶም ኣልኮላዊ መስተ ሰትዮም ማኪና ዚመርሑ ሰባት ንታሕቲ ምዃኑ ፈሊጦም።

ደሞክራሲያዊት ሪፓብሊክ ኮንጎ

ኣብ ኣፍሪቃ በብዓመቱ፡ ንኣስናን ሓራምዝ ተባሂሉ ብዓሰርተታት ኣሽሓት ዚቝጸሩ ሓራምዝ “ተራእዩ ብዘይፈልጥ መጠን” ይቕተሉ ኣለዉ። ኣብ ሓደ ኣጋጣሚ፡ ካብ ሄሊኮፕተር እዩ ኪኸውን ዚኽእል፡ ሓያሎ ሓራምዝ ኣብ ርእሶም ተኲስካ ተቐቲሎም እዮም።

ኣውስትራልያ

ኣብ ዝሓለፈ 27 ዓመት፡ ካብቲ ኣብ ግሬት ባርየር ሪፍ ዝነበረ ህያው መርጀን ባሕሪ፡ ፍርቁ ጠፊኡ እዩ። ተመራመርቲ ስነ ፍልጠት ከም ዚገልጽዎ፡ ቀንዲ ጠንቂ እቲ ምጥፋእ፡ ትሮፒካዊ ህቦብላ ንፋስን ምብዛሕ እቶም ስታር ፊሽ [ኣካንታስተር ፕላንሲ] ዚብሃሉ ዓይነት ዓሳን ብምኽንያት ልዑል ሙቐት ውቅያኖሳት ዜጋጥም ምጽዕዳው መርጀንን እዩ።