ናብ ትሕዝቶ ኺድ

ናብ ተወሳኺ ዝርዝር ኪድ

ናብ ትሕዝቶ ኺድ

ናይ የሆዋ መሰኻኽር

ትግርኛ

ግምቢ ዘብዐኛ  |  ቍ. 3 2016

 ገበር | እትፈትዎ ሰብካ ምስ ዚሞተካ

ምሕዛን ጌጋ ድዩ፧

ምሕዛን ጌጋ ድዩ፧

ንቝሩብ ግዜዶ ሓሚምካ ትፈልጥ፧ ቀልጢፍካ ስለ ዝሓወኻ፡ ምናልባት ሓሚምካ ኸም ዝነበርካ እውን ረሲዕካዮ ትኸውን ኢኻ። ሓዘን ግና ካብዚ ፈጺሙ እተፈልየ እዩ። ስለምንታይሲ፡ ከምቲ ዶክተር ኣለን ዉልፈልት ኣብታ ሂሊንግ ኤ ስፓውዝስ ግሪቪንግ ሃርት ዘርእስታ መጽሓፉ ዝበሎ፡ “‘ንሓዘን ምርሳዕ’ ዚብልዎ ነገር የልቦን። . . . ምስ ግዜን ብሓገዝ ካልኦትን ግና ሓዘንካ ይቐለልካ እዩ።”

ንኣብነት፡ እቲ ሓደ ኻብቶም ኣበው ዝነበረ ኣብርሃም፡ ሰበይቱ ምስ ሞተቶ እንታይ ከም እተሰምዖ ንርአ። መጽሓፍ ቅዱስ፡ “ኣብርሃም ድማ ንሳራ ሓዘነላን በኸየላን” ይብል። እቲ ኣብዚ ዘሎ ናይ እብራይስጢ ቓላት፡ ኣብርሃም ንነዊሕ እዋን ከም ዝሓዘነ እዩ ዜመልክት። * ካልእ ኣብነት ከኣ ያእቆብ እዩ፣ ንዕኡ ድማ ወዱ ዮሴፍ ብሕሱም ኣራዊት ተበሊዑ ኸም ዝሞተ ገይሮም ኣታለልዎ። ንሱ ድማ “ብዙሕ መዓልትታት ሓዘነ፡” ቤተ ሰቡ ኸኣ ኬጸናንዕዎ ኣይከኣሉን። ድሕሪ እተወሰነ ዓመታት እውን ያእቆብ ንሞት ዮሴፍ ኣይረሰዖን ነይሩ።—ዘፍጥረት 23:2፣ 37:34, 35፣ 42:36፣ 45:28

ኣብርሃም፡ እታ ዝፈትዋ ሳራ ምስ ሞተት ሓዚኑ

ሎሚ ዘለዉ፡ ብሞት ዚፈትውዎ ሰብ ዝሓዘኑ ሰባት እውን ተመሳሳሊ ስምዒት እዩ ዘለዎም። ነዚ ዚስዕብ ክልተ ኣብነታት እስከ ንርእ።

  • “ብዓል ቤተይ ሮበርት ኣብ 9 ሓምለ 2008 እዩ ሞይቱ። እታ ሓዳጋ ዘጋጠመላ ንግሆ ካብ ካልእ መዓልትታት እተፈልየት ኣይነበረትን። ድሕሪ ቝርሲ፡ ከምቲ ኵሉ ሳዕ ናብ ስራሕ ቅድሚ ምኻዱ እንገብሮ ተሰዓዒምና፡ ተሓቛቝፍና፡ ‘እፈትውኪ እየ፡ እፈትወካ እየ’ ተባሃሂልና ኢና ተፈላሊና ኔርና። ሕጂ፡ ድሕሪ ሽዱሽተ ዓመት እውን እቲ ሓዘን ኣብ ውሽጢ ልበይ እዩ ዘሎ። ካብ ሞት ሮብ ፈጺመ ዝጸናናዕ ኣይመስለንን እዩ።”—ጓል 60 ዓመት ዝዀነት ገይል።

  • “እታ ፍትውቲ ብዓል ቤተይ ካብ እትፍለየኒ 18 ዓመት እኳ እንተ ዀነ፡ ሕጂ እውን እናፍቓ እየ፣ ሓዘና ገና ኣይወጸለይን። ባህ ዜብል ተፈጥሮ ምስ ዝርኢ፡ ‘ነዚ እንተ እትርእዮስ ክንደይ ኰን ባህ ምበላ ነይሩ’ ኢለ ብዛዕባኣ እሓስብ።”—ወዲ 84 ዓመት ዝዀነ ኤትየን።

ስለዚ እምበኣር፡ ዜሳቕን ንነዊሕ እዋን ዚጸንሕን ሓዘን ኪስምዓና ባህርያዊ እዩ። ኵሉ ሰብ ዚሓዝነሉ መገዲ እተፈላለየ ስለ ዝዀነ፡ ካልእ ሰብ ንዚሓዝነሉ መገዲ ምንቃፍ ጌጋ እዩ። ብኻልእ ሸነኽ ድማ ሓዘንና መጠኑ ዝሓለፈ ዀይኑ እንተ ተሰሚዑና፡ ንገዛእ ርእስና ኽንኵንና የብልናን። ሓዘንና ምእንቲ ኽንክእሎ ግና እንታይ ይሕግዘና፧

^ ሕ.ጽ. 4 ይስሃቅ ወዲ ኣብርሃም እውን ንነዊሕ እዋን ሓዚኑ ነይሩ እዩ። ኣብታ ኣብዛ ሕታም እዚኣ እትርከብ፡ “ኣስኣሰር እምነቶም ስዓብ” ዘርእስታ ዓንቀጽ ተገሊጹ ኸም ዘሎ፡ ይስሃቅ ድሕሪ ሰለስተ ዓመት እውን ካብ ሓዘን ኣዲኡ ሳራ ኣይተጸናንዐን ነይሩ።—ዘፍጥረት 24:67

ዝያዳ ፍለጥ

ግምቢ ዘብዐኛ (ሕታም መጽናዕቲ)

መጻምድትኻ ምስ ዚመውት

መጻምድትኻ ምስ ዚመውት ዚስምዓካ ሓዘን፡ መሪርን ንነዊሕ እዋን ዚጸንሕን እዩ። እቲ ኣብ ቃል ኣምላኽ ዚርከብ ተስፋ ትንሳኤ፡ ብኸመይ ምንጪ ምጽንናዕ ኪኸውን ከም ዚኽእል ርአ።