ዚርከበሉ ኣገባብ ኣዐሪ

ቋንቋ ምረጽ

ናብ ተወሳኺ ዝርዝር ኪድ

ናብ ትሕዝቶ ኺድ

ናብ ትሕዝቶ ኺድ

ናይ የሆዋ መሰኻኽር

ትግርኛ

ንቕሑ! ቍ. 1 2016

 ሃገራትን ህዝብታትን

ናብ ሊክተንሽታይን እተገብረ ምብጻሕ

ናብ ሊክተንሽታይን እተገብረ ምብጻሕ

ኣብ ዓለም ሓንቲ ኻብተን ዝነኣሳ ሃገራት እያ። እዛ ኣብ ኣኽራን ኣልፕ እትርከብ ሃገር፡ ምስ ስዊዘርላንድን ኦስትርያን እያ እትዳወብ። ኣብ ዝሓለፈ ዘመናት፡ ሰልታውያንን ሪሽያውያንን ሮማውያንን ኣለማናውያንን ኣብዚ ኸባቢ ይነብሩ ነይሮም እዮም። ሎሚ ድማ፡ ዳርጋ ኽልተ ሲሶ ዚኸውን ህዝቢ ሊክተንሽታይን፡ ዘርኢ እቶም ቅድሚ ኣስታት 1,500 ዓመት ኣብቲ ኸባቢ ዝሰፈሩ ኣለማናውያን እዮም።

ወግዓዊ ቛንቋ ሊክተንሽታይን ጀርመንኛ እኳ እንተ ዀነ፡ ኣብ እተፈላለየ ኣቝሻት እተፈላለየ ላህጃታት ይዝረብ እዩ። ኣብታ ሃገር ባህላዊ ዝዀነ ምግቢ፡ ቱዊርካ ረበል ዚብሃል ካብ ዕፉን ዚስራሕ ምግብን ካስክኖፐፈል ዚብሃል ጅብና (ፎርማጆ) ዝበዝሖ ፓስታን እዩ።

ካስክኖፐፈል

ሕብራዊ ዝዀነ ባህላዊ ኽዳን

ናብታ ዓዲ ምብጻሕ ዚገብሩ በጻሕቲ፡ ብበረድ እተሸፈነ ኣኽራንን ሓምላይ ሽንጥሮታትን ስፍራታት ኣታኽልቲ ወይንን እተፈላለየ ዓይነት ኣትክልትን ኪርእዩ ይኽእሉ እዮም። ንኣብነት፡ ኣብዛ ኣብ ኣልፕ እትርከብ ኣዝያ ንእሽቶ ሃገር ዳርጋ 50 ዓይነት ተኽሊ ኦርኪድ ኪርከብ ይከኣል እዩ። ሊክተንሽታይን ኣብያተ መዘክራትን ኣዳራሻት ትያትራትን ወይኒ ዚዳለወሉ ቦታታትን እውን ኣለዋ። በዚ ምኽንያት እዚ ድማ፡ ኣብ ሓጋይ ኰነ ኣብ ክረምቲ በጻሕቲ ይመጹ እዮም።

 ናይ የሆዋ መሰኻኽር ካብ 1920ታት ኣትሒዞም፡ ኣብ ሊክተንሽታይን ዕዮ ስብከቶም የካይዱ ኣለዉ። ኣብዚ እዋን እዚ ድማ፡ ንደቂ ዓድን ንበጻሕትን መልእኽቲ መጽሓፍ ቅዱስ ዚምህሩ ኣስታት 90 ዝዀኑ ናይ የሆዋ መሰኻኽር ኣብታ ሃገር ኣለዉ።