ናብ ትሕዝቶ ኺድ

ናብ ተወሳኺ ዝርዝር ኪድ

ናብ ትሕዝቶ ኺድ

ናይ የሆዋ መሰኻኽር

ትግርኛ

መጽሓፍ ቅዱስ ኢንተርነት | መጽሓፍ ቅዱስ—ትርጉም ሓዳስ ዓለም

እዮብ 32:1-22

ትሕዝቶ

  • ኤሊሁ ኣብቲ ምይይጥ ኪሳተፍ ጀመረ (1-22)

    • ንእዮብን ንብጾት እዮብን ተቘጥዖም (2, 3)

    • ቅድሚ ምዝራቡ ብኣኽብሮት ተጸበየ (6, 7)

    • ዕድመ ጥራይ ጥበበኛ ኣይገብርን (9)

    • ኤሊሁ ኺዛረብ ተሃንጠየ (18-20)

32  እዮብ ጻድቕ ምዃኑ ኣሚኑ ስለ ዝነበረ፡*+ እቶም ሰለስተ ሰብኡት ምላሽ ምሃቡ ሓደጉ።  ኤሊሁ ወዲ ባርኪኤል እቲ ቡዛዊ+ ኻብ ዓሌት ራም ግና፡ ኣዝዩ ተቘጥዐ። ንእዮብ ድማ፡ ኣብ ክንዲ ንኣምላኽ፡ ንርእሱ* ስለ ዘጽደቓ፡ ኣዝዩ ተቘጥዖ።+  ነቶም ሰለስተ ብጾት እዮብ እውን፡ ንኣምላኽ ደኣ ኸም እኩይ ገበርዎ እምበር፡ ምላሽ ብዘይምርካቦም፡ ኣዝዩ ተቘጥዖም።+  ብዕድመ ይዓብይዎ ስለ ዝነበሩ፡ ኤሊሁ ንእዮብ ኪምልሰሉ ይጽበ ነበረ።+  ኤሊሁ፡ እቶም ሰለስተ ሰብኡት ምላሽ ከም ዘይብሎም ምስ ረኣየ ግና፡ ቍጥዓኡ ነደደ።  ሽዑ፡ ኤሊሁ ወዲ ባርኪኤል እቲ ቡዛዊ፡ ከምዚ ኢሉ ተዛረበ፦ “ኣነ ብዕድመ ንእሽቶ* እየ፣ንስኻትኩም ግና ዓበይቲ ኢኹም።+ ስለዚ፡ ብኣኽብሮት ተቘጢበ፡+ዝፈልጦ እውን ክነግረኩም ኣይደፈርኩን።   ‘ዕድመ* ይዛረብ፡ብዝሒ ዓመታት ከኣ ጥበብ የፍልጥ’ ኢለ ሓሲበ ነይረ።   ግናኸ፡ እቲ ኣብ ሰብ ዘሎ መንፈስ፡ትንፋስ እቲ ዅሉ ዚኽእል እዩ ኣእምሮ ዚህብ።+   ዕድመ* ጥራይ ጥበበኛ ኣይገብርን እዩ፣ቅኑዕ ዘበለ ዚርድኡ እውን ሽማግለታት ጥራይ ኣይኰኑን።+ 10  ስለዚ፡ ‘ስምዑኒ፡ኣነ እውን ዝፈልጦ ኽነግረኩም እየ’ ኢለ። 11  እንሆ፡ እትብልዎ ነገር ክትደልዩ ኸለኹም፡+ዘረባኹም እጽበ፡ሓሳብኩም ድማ እሰምዕ ነይረ።+ 12  ኣቕሊበልኩም፣ግናኸ፡ ካባኻትኩም ንእዮብ ኪረትዖ፡*ንመጐተኡ ኸኣ ኪምልሰሉ ዝኸኣለ የልቦን። 13  ስለዚ፡ ‘ጥበብ ረኺብና ኣለና፣ኣምላኽ እዩ ዚረትዖ እምበር፡ ሰብ ኣይኰነን’ ኣይትበሉ። 14  ንዓይ ኣይኰነን ተዛሪቡኒ እሞ፡ብመጐተኹም ኣይክምልሰሉን እየ። 15  ንሳቶምሲ ተዳሂሎም እዮም፣ ዚምልስዎ የብሎምን፡ዚብልዎ እውን የብሎምን። 16  ተጸብየዮም፣ ግናኸ፡ ኣይተዛረቡን፣ምላሽ ስኢኖም ደው ኢሎም ኣለዉ። 17  ስለዚ፡ ኣነ እውን ክምልስ፡ኣነ እውን ዝፈልጦ ኽነግረካ እየ፣ 18  ቃላትሲ መሊኡኒ እዩ፣ኣብ ውሽጠይ ዘሎ መንፈስ ከኣ ይድርኸኒ ኣሎ። 19  ውሽጠይሲ መተንፍሶ ኸም ዘይብሉ ወይኒ፡ኪቕደድ ከም ዝቐረበ ሓድሽ ሓርቢ ወይኒ ዀይኑ ኣሎ።+ 20  ክዛረብ እሞ ኸተንፍስ፡ከናፍረይ ከፊተ ኽምልስ እየ። 21  ንሓደ እኳ ኣይከዳሉን እየ፣+ንገለ ሰብ እውን ኣይክሽሕጥን* እየ፣ 22  ሽሕጣንሲ ኣይፈልጥን እየ፣እንተ ዝፈልጥ፡ ገባርየይ ቀልጢፉ መጥፍኣኒ።

እግረ ጽሑፍ

ወይ፡ “ኣብ ኣዒንቱ ጻድቕ ስለ ዝነበረ።”
ወይ፡ “ንነፍሱ።”
ቃ.ቃ.፡ “ንእሽቶ ዝመዓልትታቱ።”
ቃ.ቃ.፡ “መዓልትታት።”
ወይ፡ “ብዙሕ መዓልትታት።”
ወይ፡ “ኪገንሖ።”
ወይ፡ “መዓርግ ኣይክስልምን።”