ዚርከበሉ ኣገባብ ኣዐሪ

ቋንቋ ምረጽ

ናብ ተወሳኺ ዝርዝር ኪድ

ናብ ትሕዝቶ ኺድ

ናብ ትሕዝቶ ኺድ

ናይ የሆዋ መሰኻኽር

ትግርኛ

መጽሓፍ ቅዱስ ኢንተርነት

መጽሓፍ ቅዱስ—ትርጉም ሓዳስ ዓለም

ኢሳይያስ 46:1-13

ትሕዝቶ

  • ኣብ መንጎ ጣኦታት ባቢሎንን ኣምላኽ እስራኤልን ዘሎ ንጽጽር (1-13)

    • የሆዋ ብዛዕባ መጻኢ ኺነግር ይኽእል (10)

    • ካብ ምብራቕ ጸሓይ ዚመጽእ ኣሞራ (11)

46  ቤል ይደንን፡+ ኔቦ ይጕምባሕ። ጣኦታቶም ከምቲ ንድኹማት እንስሳታት ጾር ዝዀኖም ኣቕሑ፡ ኣብ እንስሳታት፡ ኣብ መጽዓኛታት ይጽዓኑ።+   ይጕምብሑን ብሓደ ይደንኑን፣ ነቲ ጾር* ኬናግፍዎ ኣይክእሉን እዮም፣ ንሳቶም ንርእሶም እውን ናብ ምርኮ ይኸዱ።*   “ኣቱም ቤት ያእቆብ፡ ኣቱም ዝተረፍኩም ቤት እስራኤል ኵላትኩም፡+ ኣቱም ካብ እትውለዱ ዝደገፍኩኹም፡ ካብ ማሕጸን እውን ዝጾርኩኹም፡ ስምዑኒ።+   ክሳዕ እትኣርጉ፡ ኣነ ወትሩ ኣነ እየ፣+ ክሳዕ እትሽይቡ፡ ክጾረኩም እየ። ከምቲ ዝገበርክዎ፡ ክስከመኩምን ክጾረኩምን ከናግፈኩምን እየ።+   ምእንቲ ኽንመሳሰልሲ፡+ ምስ መን ከተመሳስሉኒ፡ ወይ ከተመዓራርዩኒ፡ ወይ ከተወዳድሩኒ ኢኹም፧+   ወርቂ ኻብ ማሕፉዳኦም ዜንበሽብሹ ኣለዉ፣ ብሩር ድማ ብሚዛን ይመዝኑ። ኣንጠረኛ ይቘጽሩ እሞ፡ ንሱ እውን ንዕኡ ኣምላኽ ይገብሮ።+ ድሕሪኡ፡ ንሳቶም ኣብ ቅድሚኡ ይድፍኡ፡ እወ፡ ይሰግዱሉ።+   ናብ መንኵቦም የልዕልዎ፣+ ጾይሮም ኣብ ቦታኡ የንብርዎ፡ ኣብኡ ኸኣ ይቐውም። ካብ ቦታኡ ኣይንቀሳቐስን።+ ናብኡ ይምህለሉ፡ ግናኸ ኣይምልሰሎምን፣ ንሓደ እኳ ኻብ ጭንቂ ኼናግፍ ኣይክእልን እዩ።+   እዚ ዘክሩ፡ ኣጆኹም። ኣቱም ኣበስቲ፡ ኣብ ልብኹም ኣሕድርዎ።   ኣነ ኣምላኽ ምዃነይ፡ ካልእ እውን ዘየልቦስ፡ እቲ ዝቐደመ* ናይ ጥንቲ ዘክሩ። ኣነ ኣምላኽ* እየ፡ ከማይ ዝበለ ኸኣ የልቦን።+ 10  ካብ መጀመርታ፡ መወዳእታኡ፡ ካብ ቀደም ከኣ፡ ገና ዘይተገብረ እነግር እየ።+ ‘ውሳነይ* ኪቐውም፡+ ባህ ዝበለኒ ድማ ክገብር እየ’ እብል እየ።+ 11  ንኣሞራ ኻብ ምብራቕ ጸሓይ፡+ ውሳነይ* ንዚፍጽም ከኣ ካብ ርሑቕ ሃገር እጽውዕ ኣለኹ።+ ተዛሪበ እየ፡ ከምጽኦ ድማ እየ። ዓሊመ እየ፡ ክፍጽሞ እውን እየ።+ 12  ኣቱም ተረርቲ ልቢ፡* ኣቱም ካብ ጽድቂ ዝረሓቕኩም፡ ስምዑኒ። 13  ጽድቀይ ኣቕሪበዮ ኣለኹ፣ ርሑቕ ኣይኰነን፣ ድሕነተይ እውን ኣይኪድንጕን እዩ።+ ንጽዮን ድሕነት፡ ንእስራኤል ከኣ ግርማይ ክህብ እየ።”+

እግረ ጽሑፍ

ማለት፡ ነቶም ኣብ እንስሳታት እተጻዕኑ ጣኦታት።
ወይ፡ “ነፍሳቶም እውን ናብ ምርኮ ይኸዳ።”
ቃ.ቃ.፡ “ቐዳማይ።”
ወይ፡ “እቲ መለኮት።”
ወይ፡ “ዕላማይ፣ ምኽረይ።”
ወይ፡ “ዕላማይ፣ ምኽረይ።”
ቃ.ቃ.፡ “ሓያል ዝልቦም።”