ዚርከበሉ ኣገባብ ኣዐሪ

ቋንቋ ምረጽ

ናብ ተወሳኺ ዝርዝር ኪድ

ናብ ትሕዝቶ ኺድ

ናብ ትሕዝቶ ኺድ

ናይ የሆዋ መሰኻኽር

ትግርኛ

መጽሓፍ ቅዱስ ኢንተርነት

መጽሓፍ ቅዱስ—ትርጉም ሓዳስ ዓለም

መዝሙር 95:1-11

ትሕዝቶ

  • ናይ ሓቂ ኣምልኾን ተኣዛዝነትን

    • “ሎሚ ድምጹ እንተ ሰሚዕኩም” (7)

    • “ልብኹም ኣይተትርሩ” (8)

    • “ናብ ዕረፍተይ ኣይኪኣትዉን እዮም” (11)

95  ንዑ፡ ንየሆዋ እልል ንበለሉ! ንኸውሒ ድሕነትና ጭድርታ ዓወት ንጨድረሉ።+   ብምስጋና ናብ ቅድሚኡ* ንቕረብ፣+ ንዘምረሉ፡ ጭድርታ ዓወት ከኣ ንጨድረሉ።   የሆዋስ ዓብዪ ኣምላኽ፡ ኣብ ልዕሊ ዅሎም ኣማልኽቲ ድማ ዓብዪ ንጉስ እዩ።+   መዓሙቝ ምድሪ ኣብ ኢዱ እዩ፣ ኣራእስ ኣኽራን ከኣ ናቱ እዩ።+   እቲ ንሱ ዝገበሮ ባሕሪ፡ ናቱ እዩ፣+ ኣእዳዉ እውን ንንቑጽ ምድሪ ገበራኦ።+   ንዑ፡ ነምልኮ፡ ንስገደሉ፣ ኣብ ቅድሚ የሆዋ እቲ ገባሪና ንምበርከኽ።+   ንሱስ ኣምላኽና እዩ፣ ንሕና ድማ ህዝቢ መጓሰኡ፡ ኣብ ትሕቲ ሓልዮቱ* ዘለና ኣባጊዕ ኢና።+ ሎሚ ድምጹ እንተ ሰሚዕኩም፡+   ከም ኣብ መሪባ፡* ከምቲ ብመዓልቲ ማሳ* ኣብ በረኻ፡+ ልብኹም ኣይተትርሩ።+   ኣብቲ ግዜ እቲ፡ ኣቦታትኩም ፈቲኖምኒ፣+ ግብርታተይ ርእዮም ክነሶም ኣሸጊሮምኒ።+ 10  ን40 ዓመት ነቲ ወለዶ ፈንፊነዮስ፡ “ወትሩ ብልቦም ዜላግሱ ህዝቢ እዮም፣ ንመገድታተይ ኣይፈለጥዎን” ኢለ። 11  ስለዚ፡ ብቝጥዓይ፡ “ናብ ዕረፍተይ ኣይኪኣትዉን እዮም” ኢለ ምሒለ።+

እግረ ጽሑፍ

ቃ.ቃ.፡ “ናብ ቅድሚ ገጹ።”
ቃ.ቃ.፡ “ኢዱ።”
ትርጉሙ፡ “ቈየቛ።”
ትርጉሙ፡ “ፈተና።”