ዚርከበሉ ኣገባብ ኣዐሪ

ቋንቋ ምረጽ

ናብ ተወሳኺ ዝርዝር ኪድ

ናብ ትሕዝቶ ኺድ

ናብ ትሕዝቶ ኺድ

ናይ የሆዋ መሰኻኽር

ትግርኛ

መጽሓፍ ቅዱስ ኢንተርነት

መጽሓፍ ቅዱስ—ትርጉም ሓዳስ ዓለም

መዝሙር 80:1-19

ትሕዝቶ

  • ጓሳ እስራኤል ኪመልሶም ደለዩ

    • “ኦ ኣምላኽ፡ ምለሰና” (3)

    • እስራኤል ከም ተኽሊ ወይኒ ኣምላኽ (8-15)

ንኣላዪ፣ ብ“ሹሻን።” መዘኻኸሪ። ናይ ኣሳፍ።+ መዝሙር። 80  ኦ ጓሳ እስራኤል፡ ኣታ ንዮሴፍ ከም መጓሰ እትመርሖ፡ ጽን በል።+ ኣታ ኣብ ልዕሊ* ኪሩቤል ኣብ ዝፋን እትቕመጥ፡+ ብራህ።*   ኣብ ቅድሚ ኤፍሬምን ብንያምን ምናሴን ሓይልኻ ኣለዓዕል፣+ ንዓ እሞ ኣድሕነና።+   ኦ ኣምላኽ፡ ምለሰና፣+ ምእንቲ ኽንድሕንሲ፡ ገጽካ ኣብርሃልና።+   ኦ የሆዋ ኣምላኽ ሰራዊት፡ ክሳዕ መዓስ ኢኻ ንጸሎት ህዝብኻ እትጻረሮ፧*+   ንብዓት ከም እንጌራ ተብልዖም፡ መስፈር ዘይብሉ ንብዓት ድማ ተስትዮም ኣለኻ።   ጐረባብትና ብኣና ኸም ዚብኣሱ ጌርካዮም፣ ጸላእትና ኸኣ ከም ቃሕ ዝበሎም የላግጹልና ኣለዉ።+   ኦ ኣምላኽ ሰራዊት፡ ምለሰና፣ ምእንቲ ኽንድሕንሲ፡ ገጽካ ኣብርሃልና።+   ተኽሊ ወይኒ+ ኻብ ግብጺ ኣውጺእካ። ንኣህዛብ ሰጒጕካ ድማ ተኺልካያ።+   ቦታ ጸሪግካላ፣ ንሳ ኸኣ ሱር ሰዲዳ ነታ ምድሪ መሊኣታ።+ 10  ኣኽራን ብጽላላ፡ ቄድሮሳት ኣምላኽ እውን ብጨናፍራ ተኸዲኖም። 11  ጨናፍራ ኽሳብ ባሕሪ፡ ውልዶታታ ድማ ክሳብ እቲ ፈለግ*+ በጺሑ። 12  ኵሎም ሓለፍቲ መገዲ ፍሪኣ ኪቕንጥቡስ፡+ ስለምንታይ መንደቕ እታ ኣታኽልቲ ወይኒ ኣፍሪስካ፧+ 13  ናይ ዱር መፋልስ የብርስዋ፡ እንስሳታት መሮር እውን ይበልዕዋ ኣለዉ።+ 14  ኦ ኣምላኽ ሰራዊት፡ በጃኻ ተመለስ። ካብ ሰማይ ኣንቈልቊልካ ጠምት እሞ ርአ! ነዛ ተኽሊ ወይኒ እዚኣ ተኸናኸና፣+ 15  ነታ የማነይቲ ኢድካ ዝተኸለታ ጕንዲ* ተኸናኸና፣+ ነቲ ንዓኻ ኢልካ ዘበርታዕካዮ ወዲ ርኣዮ።*+ 16  ብሓዊ ነዲዳ፡ ተቖሪጻ።+ ብመግናሕትኻ* ይጠፍኡ። 17  ኢድካ ነቲ ኣብ የማንካ ዘሎ ሰብኣይ፡ ነቲ ንዓኻ ኢልካ ዘበርታዕካዮ ወዲ ሰብ ትደግፎ።+ 18  ሽዑ፡ ካባኻ ኣይክንርሕቕን ኢና። ስምካ ምእንቲ ኽንጽውዕሲ፡ ብህይወት ኣንብረና። 19  ኦ የሆዋ ኣምላኽ ሰራዊት፡ ምለሰና፣ ምእንቲ ኽንድሕንሲ፡ ገጽካ ኣብርሃልና።+

እግረ ጽሑፍ

ወይ፡ “ኣብ መንጎ” ኪኸውን ይኽእል።
ወይ፡ “ብርሃንካ ግለጽ።”
ቃ.ቃ.፡ “ብጸሎት ህዝብኻ ኽትተክኽ፧”
ማለት፡ ኤፍራጥስ።
ወይ፡ “ጕንዲ ወይኒ።”
ወይ፡ “ነታ ንዓኻ ኢልካ ዘበርታዕካያ ጨንፈር ርኣያ።”
ቃ.ቃ.፡ “ብመግናሕቲ ገጽካ።”