ናብ ትሕዝቶ ኺድ

ናብ ተወሳኺ ዝርዝር ኪድ

ናብ ትሕዝቶ ኺድ

ናይ የሆዋ መሰኻኽር

ትግርኛ

መጽሓፍ ቅዱስ ኢንተርነት | መጽሓፍ ቅዱስ—ትርጉም ሓዳስ ዓለም

መዝሙር 53:1-6

ትሕዝቶ

  • እንታይነት ዓሻ ተገልጸ

    • “የሆዋ የሎን” (1)

    • “ጽቡቕ ዚገብር የልቦን” (3)

ንኣላዪ፣ ብቕዲ ማሓላት።* መስኪል።* ናይ ዳዊት። 53  ዓሻ ብልቡ፡“የሆዋ የሎን” ይብል።+ ብዓመጻ ዚገብርዎ ተግባሮም ብልሹውን ፍንፉንን እዩ፣ጽቡቕ ዚገብር የልቦን።+   ኣምላኽ ግና፡ ልቦና ዘለዎ፡ ንየሆዋ ድማ ዚደልዮ እንተሎ ኺርኢ፡+ካብ ሰማይ ናብ ደቂ ሰብ ኣንቈልቊሉ ይጥምት።+   ኵላቶም ኣልጊሶም፡ኵላቶም ብሓደ ተበላሽዮም እዮም። ጽቡቕ ዚገብር የልቦን፣ሓደ እኳ የልቦን።+   ገበርቲ ኽፉእዶ ኣይርድኡን እዮም፧ ንህዝበይ ከምቲ እንጌራ ዚብላዕ ገይሮም ይበልዕዎ። ናብ የሆዋ ኣይምህለሉን።+   ግናኸ፡ ኣምላኽ ንኣዕጽምቲ እቶም ዜጥቅዑኻ* ዘለዉ ፋሕ ኬብሎ እዩ እሞ፡ቅድሚኡ ተሰሚዕዎም ብዘይፈልጥ ሽበራ፡*ብዓብዪ ሽበራ ኺምልኡ እዮም። የሆዋ ደርብይዎም እዩ እሞ፡ ንስኻ ኸተሕፍሮም ኢኻ።   ኣየ፡ ድሕነት እስራኤል ካብ ጽዮን እንተ ዚመጽእ!+ የሆዋ ንምሩኻት ህዝቡ ኺመልስ ከሎ፡ያእቆብ ይተሓጐስ፡ እስራኤል እውን ባህ ይበሎ።

እግረ ጽሑፍ

ኣብ ማህደረ ቓላት ርአ።
ኣብ ማህደረ ቓላት ርአ።
ቃ.ቃ.፡ “ኣንጻርካ ዚሰፍሩ።”
ወይ፡ “ዜፍርህ ኣብ ዘይብሉ ኺፈርሁ” ኪኸውን ይኽእል።