ናብ ትሕዝቶ ኺድ

ናብ ተወሳኺ ዝርዝር ኪድ

ናብ ትሕዝቶ ኺድ

ናይ የሆዋ መሰኻኽር

ትግርኛ

መጽሓፍ ቅዱስ ኢንተርነት | መጽሓፍ ቅዱስ—ትርጉም ሓዳስ ዓለም

መዝሙር 34:1-22

ትሕዝቶ

  • የሆዋ ንገላዉኡ የናግፎም

    • “ንስሙ ሓቢርና ልዕል ነብሎ” (3)

    • መልኣኽ የሆዋ የዕቍብ (7)

    • “የሆዋ ሕያዋይ ምዃኑ ጥዓሙን ርኣዩን” (8)

    • ‘ካብ ኣዕጽምቱ ሓንቲ እኳ ኣይተሰብረትን’ (20)

ናይ ዳዊት፣ ኣብ ቅድሚ ኣቢሜሌክ ኣእምሮ ዘይብሉ ምስ መሰለ እሞ፡+ ተሰጒጉ ምስ ከደ። א [ኣሌፍ] 34  ንየሆዋ ዅሉ ግዜ ኽውድሶ እየ፣ውዳሰኡ ወትሩ ኣብ ከናፍረይ ኪኸውን እዩ። ב [ቤት]   ብየሆዋ ኽምካሕ እየ፣*+ዓቃላት* ኪሰምዑን ኪሕጐሱን እዮም። ג [ጊሜል]   ንየሆዋ ምሳይ ኣዕብይዎ፣+ንስሙ ሓቢርና ልዕል ነብሎ። ד [ዳሌጥ]   ንየሆዋ ሓቲተዮ፣ ንሱ እውን መሊሱለይ።+ ካብ ኵሉ ፍርሀይ ኣናጊፉኒ።+ ה []   እቶም ናብኡ ዚጥምቱ የንጸባርቑ፣ገጾም እውን ከቶ ኣይሓፍርን። ז [ዛይን]   እዚ ትሑት እዚ ጸዊዑ፡ የሆዋ ድማ ሰሚዕዎ። ካብ ኵሉ ጭንቁ ኸኣ ኣድሒንዎ።+ ח [ሔት]   መልኣኽ የሆዋ ኣብ ዙርያ እቶም ዚፈርህዎ ይሰፍር፡+የናግፎም እውን።+ ט [ጤት]   የሆዋ ሕያዋይ* ምዃኑ ጥዓሙን ርኣዩን፣+ኣብኡ ዚምዕቈብ ሰብ ሕጉስ እዩ። י [ዮድ]   እቶም ዚፈርህዎ ገለ እኳ ኣይጐድሎምን እዩ እሞ፡+ኣቱም ቅዱሳቱ ዅልኹም፡ ንየሆዋ ፍርህዎ። כ [ካፍ] 10  ሽደናት ኣናብስ እኳ ስኢኖም ይጠምዩ፣እቶም ንየሆዋ ዚደልይዎ ግና፡ ገለ ጽቡቕ እኳ ኣይጐድሎምን።+ ל [ላሜድ] 11  ደቀየ፡ ንዑ ስምዑኒ፣ፍርሃት የሆዋ ድማ ክምህረኩም እየ።+ מ [ሜም] 12  ካባኻትኩምሲ ብህይወት ባህ ዚብሎ፡ጽቡቕ መዓልትታት እውን ኪርኢ ዚፈቱ ሰብ መን እዩ፧+ נ [ኑን] 13  እምበኣር፡ ልሳንካ ኻብ ክፉእ፡+ከናፍርካ ኸኣ ምትላል ካብ ምዝራብ ሓሉ።+ ס [ሳሜኽ] 14  ካብ ክፉእ ርሓቕ፡ ሰናይ ድማ ግበር፣+ንሰላም ድለያ፡ ስዓባ እውን።+ ע [ዓይን] 15  ኣዒንቲ የሆዋ ናብ ጻድቃን፡+ኣእዛኑ ኸኣ ንኣውያቶም ይሰምዓ እየን።+ פ [] 16  ንመዘከርታኦም ካብ ምድሪ ምእንቲ ኺድምስሶ ግና፡ገጽ የሆዋ ኣንጻር እቶም ክፉእ ዚገብሩ እዩ።+ צ [ጻዴ] 17  እቲኣቶም ኣእውዮም፡ የሆዋ ድማ ሰሚዕዎም፣+ካብ ኵሉ ጭንቆም እውን ኣናጊፍዎም።+ ק [ቆፍ] 18  የሆዋ ነቶም ስቡር ዝልቦም ቀረባኦም እዩ፣+ነቶም መንፈሶም እተደቝሰ* ኸኣ የድሕኖም።+ ר [ሬሽ] 19  ሽግር* ጻድቕ ብዙሕ እዩ፣+የሆዋ ግና ካብ ኵሉ የናግፎ።+ ש [ሺን] 20  ንዅለን ኣዕጽምቱ ይሕልወን፣ሓንቲ እኳ ኣይተሰብረትን።+ ת [ታው] 21  መዓት ንእኩይ ይቐትሎ፣ንጻድቕ ዚጸልኡ ድማ ኪዅነኑ እዮም። 22  የሆዋ ንህይወት* ገላዉኡ ይብጀዋ፣ካብቶም ኣብኡ ዚምዕቈቡ ሓደ እኳ ኣይኪዅነንን እዩ።+

እግረ ጽሑፍ

ወይ፡ “ነፍሰይ ብየሆዋ ኽትምካሕ እያ።”
ወይ፡ “ትሑታት።”
ወይ፡ “ሰናይ።”
ወይ፡ “ተስፋ ዝቘረጹ።”
ወይ፡ “መዓት።”
ወይ፡ “ንነፍሲ።”