ናብ ትሕዝቶ ኺድ

ናብ ተወሳኺ ዝርዝር ኪድ

ናብ ትሕዝቶ ኺድ

ናይ የሆዋ መሰኻኽር

ትግርኛ

መጽሓፍ ቅዱስ ኢንተርነት

መጽሓፍ ቅዱስ—ትርጉም ሓዳስ ዓለም

መዝሙር 32:1-11

ትሕዝቶ

  • ይቕረታ እተገብረሎም ሕጉሳት እዮም

    • “ሓጢኣተይ ተናዚዘልካ” (5)

    • ኣምላኽ ልቦና ይህበካ (8)

ናይ ዳዊት። መስኪል።* 32  ኣበሳኡ እተሓድገሉ፡ ሓጢኣቱ እተኸድነሉ* ሕጉስ እዩ።+   የሆዋ በደሉ ዘይጽብጽበሉ፡+ ኣብ መንፈሱ ተንኰል ዘይብሉ ሰብ ሕጉስ እዩ።   ስቕ ኢለ ኸለኹ፡ ምሉእ መዓልቲ ብምግዓረይ ኣዕጽምተይ ማህሚኑ።+   መዓልትን ለይትንሲ ኢድካ ኸቢዳትኒ።*+ ከምቲ ሃሩር ሓጋይ ንማይ ዜህፍፎ፡ ብርታዐይ ከምኡ ሃፊፉ።* (ሴላ)   ኣብ መወዳእታ፡ ሓጢኣተይ ተናዚዘልካ፣ ስሕተተይ ድማ ኣይከወልኩን።+ “ኣበሳይ ንየሆዋ ኽናዘዝ እየ” ኢለ።+ ንስኻ እውን ስሕተት ሓጢኣተይ ሓዲግካለይ።+ (ሴላ)   ስለዚ እዩ ገና እናተረኸብካ ኸለኻ፡+ ኵሉ እሙን ናባኻ ዚጽሊ።+ ሽዑ፡ ዜዕለቕልቕ ማይ እኳ ኣይኪበጽሖን እዩ።   ንስኻ መሕብእየይ ኢኻ፣ ካብ ጭንቂ ኽትሕልወኒ ኢኻ።+ ብእልልታ ድሕነት ክትከብበኒ ኢኻ።+ (ሴላ)   “ልቦና ኽህበካ፡ እታ ኽትከደላ ዚግብኣካ መገዲ ኽምህረካ እየ።+ ዓይነይ ኣብ ልዕሌኻ ገይረ ኽመኽረካ እየ።+   ከምቲ ናባኻ ቕድሚ ምምጻኡ ከይፋንን ተባሂሉ ብልጓም ወይ ብልባብ ዚግራሕ ኣእምሮ ዘይብሉ ፈረስ ወይ በቕሊ ኣይትኹኑ።”+ 10  ስቓይ እኩይ ብዙሕ እዩ፣ እቲ ብየሆዋ ዚእመን* ግና በቲ ብተኣማንነት ዜርእዮ ፍቕሩ ይኽበብ።+ 11  ኣቱም ጻድቃን፡ ብየሆዋ ተሓጐሱ፡ ባህ እውን ይበልኩም፣ ኣቱም ቅኑዕ ዝልቦም ኵልኹም፡ እልል በሉ።

እግረ ጽሑፍ

ኣብ ማህደረ ቓላት ርአ።
ወይ፡ “ይቕረ እተባህለሉ።”
ወይ፡ “ጓሂኻ ኸቢዱኒ።”
ወይ፡ “ጠሊ ህይወተይ ተቐዪሩ።”
ወይ፡ “ዚውከል።”