ናብ ትሕዝቶ ኺድ

ናብ ተወሳኺ ዝርዝር ኪድ

ናብ ትሕዝቶ ኺድ

ናይ የሆዋ መሰኻኽር

ትግርኛ

መጽሓፍ ቅዱስ ኢንተርነት | መጽሓፍ ቅዱስ—ትርጉም ሓዳስ ዓለም

መዝሙር 24:1-10

ትሕዝቶ

  • እቲ ኽቡር ንጉስ ብኣፍ ደገታት ይኣቱ

    • ‘ምድሪ ናይ የሆዋ እያ’ (1)

ናይ ዳዊት። መዝሙር። 24  ምድርን ኣብኣ ዘሎ ዅሉን እታ ፍርያም ምድርን ኣብኣ ዚቕመጡ ዅሎምን ናይ የሆዋ እዮም።+   ከመይሲ፡ ንሱ ኣብ ባሕርታት ሰሪትዋ፡+ ኣብ ኣፍላግ ከኣ ኣጽኒዕዋ እዩ።   ናብ ከረን የሆዋ ዚድይብ መን እዩ፧+ ኣብቲ ቕዱስ ቦታኡ ዚቐውምከ መን እዩ፧   ንጹህ ዝኣእዳዉን ንጹህ ዝልቡን፡+ ብህይወተይ* ናይ ሓሶት ማሕላ ዘይመሓለ፡ ብምትላል ድማ ዘይመሓለ።+   ንሱ ኻብ የሆዋ በረኸት፡+ ካብ ናይ ድሕነት ኣምላኹ ኸኣ ጽድቂ* ኪቕበል እዩ።+   እዚኣቶም እቶም ዚደልይዎ ወለዶ፡ ኦ ኣምላኽ ያእቆብ፡ እቶም ገጽካ ዚደልዩ እዮም። (ሴላ)   ኣቱም ኣፍ ደገታት፡ ርእስኹም ኣልዕሉ፣+ እቲ ኽቡር ንጉስ ኪኣቱስ፡+ ኣቱም ናይ ጥንቲ መእተዊታት፡ ተኸፈቱ!*   እቲ ኽቡር ንጉስከ መን እዩ፧ እቲ ብርቱዕን ሓያልን የሆዋ፡+ እቲ ኣብ ውግእ ብርቱዕ የሆዋ።+   ኣቱም ኣፍ ደገታት፡ ርእስኹም ኣልዕሉ፣+ እቲ ኽቡር ንጉስ ኪኣቱስ፡ ኣቱም ናይ ጥንቲ መእተዊታት፡ ተኸፈቱ! 10  እቲ ኽቡር ንጉስከ መን እዩ፧ የሆዋ ጐይታ ሰራዊት፡—እቲ ኽቡር ንጉስ ንሱ እዩ።+ (ሴላ)

እግረ ጽሑፍ

ወይ፡ “ብነፍሰይ።” እዚ ንህይወት የሆዋ የመልክት፣ ሰባት ብእኡ ይምሕሉ ነበሩ።
ወይ፡ “ፍትሒ።”
ወይ፡ “ተንስኡ።”