ዚርከበሉ ኣገባብ ኣዐሪ

ቋንቋ ምረጽ

ናብ ተወሳኺ ዝርዝር ኪድ

ናብ ትሕዝቶ ኺድ

ናብ ትሕዝቶ ኺድ

ናይ የሆዋ መሰኻኽር

ትግርኛ

መጽሓፍ ቅዱስ ኢንተርነት

መጽሓፍ ቅዱስ—ትርጉም ሓዳስ ዓለም

መዝሙር 2:1-12

ትሕዝቶ

  • የሆዋን ቅቡኡን

    • የሆዋ ንኣህዛብ ይስሕቆም (4)

    • የሆዋ ንጉሱ ይሸይም (6)

    • ንወዲ ኣኽብርዎ (12)

2  ስለምንታይ ኣህዛብ ተናዊጾም፡ ህዝብታትሲ ኸንቱ ኣዕዘምዚሞም፧*+   ንየሆዋን ንቕቡኡን* ኪጻረሩስ፡+ ነገስታት ምድሪ ቘይሞም፡ ሰበ ስልጣን ከኣ ብሓደ ተኣኪቦም።*+   “መቓውሖም ንበጥስ፡ ኣግማዶም ድማ ንደርብዮ” ይብሉ።   እቲ ኣብ ሰማያት ኣብ ዝፋን ዚቕመጥ ይስሕቕ፣ የሆዋ የላግጸሎም።   ሽዑ፡ ብቝጥዓኡ ይዛረቦም፣ ብዚነድድ ቍጥዓኡ ድማ የሸብሮም፣   “ኣነ ኣብ ጽዮን፡+ ኣብ ቅዱስ ከረነይ፡ ንጉሰይ ሸይመ ኣለኹ” ይብል።+   ትእዛዝ የሆዋ እስከ ኽነግር፣ ንሱ ኸምዚ ኢሉኒ፦ “ንስኻ ወደይ ኢኻ፣+ ኣነ ሎሚ ወሊደካ።+   ሕተተኒ እሞ፡ ኣህዛብ ውርስኻ ገይረ፡ ወሰናት ምድሪ ኸኣ ርስትኻ ገይረ ኽህበካ እየ።+   ብዘንጊ ሓጺን ክትሰብሮም፡+ ከም ስርሓት ካይላ ድማ ክትሕምሽሾም ኢኻ።”+ 10  እምበኣርሲ፡ ኣቱም ነገስታት ልቦና ግበሩ፣ ኣቱም ፈራዶ ምድሪ እውን፡ ተኣረሙ።* 11  ንየሆዋ ብፍርሃት ኣገልግልዎ፣ ብራዕዲ ኸኣ ተሓጐሱ። 12  ቍጥዓኡ ቐልጢፉ ይነድድ እዩ እሞ፡ ኣምላኽ* ከይቍጣዕ፡ ካብ መገዲ ድማ ከይትጠፍኡስ፡+ ንወዲ ኣኽብርዎ።*+ ኵሎም እቶም ኣብኡ ዚምዕቈቡ ዘበሉ ሕጉሳት እዮም።

እግረ ጽሑፍ

ወይ፡ “ኣስተንቲኖም።”
ወይ፡ “ንክርስቶሱን።”
ወይ፡ “ብሓባር ተማኺሮም።”
ወይ፡ “ተጠንቀቑ።”
ቃ.ቃ.፡ “ንሱ።”
ቃ.ቃ.፡ “ስዓምዎ።”