ዚርከበሉ ኣገባብ ኣዐሪ

ቋንቋ ምረጽ

ናብ ተወሳኺ ዝርዝር ኪድ

ናብ ትሕዝቶ ኺድ

ናብ ትሕዝቶ ኺድ

ናይ የሆዋ መሰኻኽር

ትግርኛ

መጽሓፍ ቅዱስ ኢንተርነት

መጽሓፍ ቅዱስ—ትርጉም ሓዳስ ዓለም

መዝሙር 132:1-18

ትሕዝቶ

  • ዳዊትን ጽዮንን ተሓርዮም

    • “ንቕቡእካ ኣይትእበዮ” (10)

    • ካህናት ጽዮን ድሕነት ይለብሱ (16)

መዝሙር ምድያብ። 132  ኦ የሆዋ፡ ንዳዊትን ንዅሉ መከራኡን ዘክር፣+   እወ፡ ከመይ ንየሆዋ ኸም ዝመሓለ፡ ነቲ ናይ ያእቆብ ሓያል ከመይ ከም እተመባጽዐ ዘክር፦+   “ናብ ድንኳነይ፡ ናብ ቤተይ ኣይኣቱን እየ።+ ኣብ ዓራተይ፡ ኣብ መደቀስየይ በጥ ኣይብልን እየ።   ንኣዒንተይ ድቃስ፡ ንኸበሮ ዓይነይ ሰለምታ ኣይህብን እየ።   ንየሆዋ ቦታ፡ ነቲ ናይ ያእቆብ ሓያል ድማ ብሉጽ መንበሪ* ኽሳዕ ዝረኽበሉ፡ እዚ ኣይገብርን እየ።”+   እንሆ፡ ብዛዕባኣ ኣብ ኤፍራታ ሰሚዕና፣+ ኣብ መሮር ዱር ረኺብናያ።+   ናብ መንበሪኡ* ንእቶ፣+ ኣብ ድኳ እግሩ ንስገድ።+   ኦ የሆዋ፡ ንስኻ ምስቲ ታቦት ብርታዐኻ ናብ መዕረፊኻ ኽትመጽእሲ ተንስእ።+   ካህናትካ ጽድቂ ይልበሱ፣ እሙናትካ ድማ እልል ይበሉ። 10  ምእንቲ ጊልያኻ ዳዊት፡ ንቕቡእካ ኣይትእበዮ።*+ 11  የሆዋ ንዳዊት ምሒሉሉ እዩ፣ ብርግጽ ድማ ቃሉ ኣይኪዓጽፍን እዩ። እወ፡ “ሓደ ኻብ ዘርእኻ፡* ኣብ ዝፋንካ ኸንብር እየ።+ 12  ደቅኻ ኺዳነይን እቲ ዝምህሮም መዘኻኸሪታተይን እንተ ሓልዮም፡+ ደቆም እውን ኣብ ዝፋነይ ንዘለኣለም ኪቕመጡ እዮም” ኢልዎ እዩ።+ 13  የሆዋስ ንጽዮን ሓርይዋ እዩ፣+ መንበሪቱ ኽትከውን ብሂግዋ እዩ፦+ 14  “እዚኣ ንዘለኣለም መዕረፊተይ እያ፣ ባህገይ እዚ እዩ እሞ፡ ኣብዚኣ ኽነብር እየ።+ 15  ብሽሻይ ኣብዚሐ ኽባርኻ እየ፣ ንድኻታታ እንጌራ ኸጽግቦም እየ።+ 16  ንኻህናታ ድሕነት ከልብሶም እየ፣+ እሙናታ ኸኣ እልል ኪብሉ እዮም።+ 17  ኣብኣ ብርታዐ* ዳዊት ከዕቢ እየ። ንቕቡአይ መብራህቲ ኣዳልየሉ ኣለኹ።+ 18  ንጸላእቱ ሕፍረት ከልብሶም እየ፣ ኣብ ርእሱ ዘሎ ዘውዲ ግና ኪምዕብል እዩ።”+

እግረ ጽሑፍ

ወይ፡ “ዓብዪ ማሕደር።”
ወይ፡ “ዓብዪ ማሕደሩ።”
ቃ.ቃ.፡ “ገጽ ቅቡእካ ኣይትምለስ።”
ቃ.ቃ.፡ “ፍረ ኸርስኻ።”
ቃ.ቃ.፡ “ቐርኒ።”