ዚርከበሉ ኣገባብ ኣዐሪ

ቋንቋ ምረጽ

ናብ ተወሳኺ ዝርዝር ኪድ

ናብ ትሕዝቶ ኺድ

ናብ ትሕዝቶ ኺድ

ናይ የሆዋ መሰኻኽር

ትግርኛ

ሎሚ ፍቓድ የሆዋ ዚገብሩ ዘለዉ መን እዮም፧

 ትምህርቲ 23

ጽሑፋትና ዚጸሓፍን ዚትርጐምን ብኸመይ እዩ፧

ጽሑፋትና ዚጸሓፍን ዚትርጐምን ብኸመይ እዩ፧

ክፍሊ ጽሕፈት፡ ሕ.መ.ኣ.

ደቡብ ኮሪያ

ኣርመንያ

ቡሩንዲ

ስሪ ላንካ

“ንዅሎም ኣህዛብን ነገዳትን ቋንቋታትን ህዝብታትን” “ብስራት” ንምብሳር ዚከኣለና ዘበለ ምእንቲ ኽንገብር፡ ብልዕሊ 700 ቛንቋታት ጽሑፋት ነዳሉ ኢና። (ራእይ 14:6) ነዚ በዳሂ ዕዮ እዚ ብኸመይ ኢና እንፍጽሞ፧ ብሓገዝ እቶም ኣብ መላእ ዓለም ዚርከቡ ጸሓፍትን ልዕሊ 3,300 ዚዀኑ ተርጐምትን ኢና እዚ ኽንገብር ክኢልና፣ ኵሎም ከኣ ናይ የሆዋ መሰኻኽር እዮም።

እቲ በዅሪ ጽሑፍ ብእንግሊዝኛ ይዳሎ። ኣመሓዳሪ ኣካል ንንጥፈታት እቲ ኣብ ቀንዲ ቤት ጽሕፈትና ዚርከብ ክፍሊ ጽሕፈት ይከታተል። ክፍሊ ጽሕፈት ድማ፡ ነቲ እቶም ኣብ ቀንዲ ቤት ጽሕፈትን ኣብ ገሊአን ኣብያተ ጽሕፈት ጨንፈርን ዜገልግሉ ጸሓፍቲ ዚዓይዎ ዕዮ የተሓባብር። ኣባላት ክፍሊ ጽሕፈት እተፈላለየ ድሕረ ባይታ ዘለዎም ምዃኖም፡ እተፈላለየ ባህሊ ንዘለዎም ሰባት ዚትንክፍ ጽሑፋት ከነዳሉ ሓጊዙና እዩ፣ በዚ ኸምዚ ኸኣ ጽሑፋትና ዓለምለኻዊ ትሕዝቶ ኺህልዎ ኽኢሉ እዩ።

እቲ ጽሑፍ ናብ ተርጐምቲ ይለኣኽ። እቲ ጽሑፍ ምስ ተሰናደወን ምስ ጸደቐን፡ ብኤሌክትሮኒካዊ መገዲ ኣብ መላእ ዓለም ናብ ዘለዉ ጕጅለታት ተርጐምቲ ይለኣኽ፣ ንሳቶም ከኣ ነቲ ጽሑፍ ተርጒሞም ይእርምዎን የጽፍፍዎን። ንትርጕም እቲ ብእንግሊዝኛ እተጻሕፈ ጽሑፍ ምሉእ ብምሉእ ብቛንቋኦም ዜመሓላልፍ “ቅኑዕን ቃላት ሓቅን” ኪሓርዩ እዮም ዚጽዕሩ።—መክብብ 12:10

ኮምፕዩተር ነቲ መስርሕ የቀላጥፎ። ኮምፕዩተር ናይ ጸሓፍትን ተርጐምትን ስራሕ ኪሰርሕ ኣይክእልን እዩ። ይኹን እምበር፡ ኣብ ኮምፕዩተር ዚርከብ መዝገበ ቓላትን ካልእ ንትርጕምን ንምርምርን ዚሕግዝ ናውትን ነቲ ስራሕ ኬቀላጥፎ ይኽእል እዩ። ናይ የሆዋ መሰኻኽር፡ ማልቲላንጐጅ ኤሌክትሮኒክ ፓብሊሽንግ ሲስተም (መፕስ) ዚብሃል ናይ ኮምፕዩተር ፕሮግራም ኣዳልዮም ኣለዉ። እዚ ፕሮግራም እዚ፡ ብኣማእታት ዚቝጸር ቋንቋታት ክትጽሕፈሉን ንጽሑፍ ምስ ስእሊ ጌርካ ኸተሰናድዎን ጽሑፋት ንሕትመት ከተዳሉን ይሕግዝ።

ሒደት ኣሽሓት ሰባት ብዚዛረብዎ ቛንቋታት እውን ከይተረፈ ጽሑፋት ከነዳሉ ጻዕሪ እንገብር ስለምንታይ ኢና፧ ምኽንያቱ፡ “ኵሉ ዓይነት ሰብ ኪድሕንን ናብ ልክዕ ፍልጠት ሓቂ ኺመጽእን” ፍቓድ የሆዋ እዩ።—1 ጢሞቴዎስ 2:3, 4

  • ጽሑፋትና ብኸመይ ይጸሓፍ፧

  • ጽሑፋትና ብብዙሕ ቋንቋታት እንትርጕሞ ስለምንታይ ኢና፧

ዝያዳ ፍለጥ

ብብዙሕ ቋንቋታት ዚዝመር መዝሙር

ግጥምታት መዝሙር ናብ ብዙሕ ቋንቋታት ምትርጓም ዘለዎ ብድሆታት ኣንብብ።