ዚርከበሉ ኣገባብ ኣዐሪ

ቋንቋ ምረጽ

ናብ ተወሳኺ ዝርዝር ኪድ

ናብ ትሕዝቶ ኺድ

ናብ ትሕዝቶ ኺድ

ናይ የሆዋ መሰኻኽር

ትግርኛ

ጽማቝ ሓሳባት መጽሓፍ ቅዱስ እንታይ ይምህረና፧

2. መጽሓፍ ቅዱስ—ኣምላኽ ዝሃበና መጽሓፍ

2. መጽሓፍ ቅዱስ—ኣምላኽ ዝሃበና መጽሓፍ

1 መጽሓፍ ቅዱስ፡ ኣምላኽ ዝሃበና መጽሓፍ እዩ

“ኵሉ ቕዱስ ጽሑፍ ብድራኸ መንፈስ ኣምላኽ እተጻሕፈ . . . እዩ።”—2 ጢሞቴዎስ 3:16

መጽሓፍ ቅዱስ ካብ ካልእ መጻሕፍቲ ዚፍለ ብኸመይ እዩ፧

መጽሓፍ ቅዱስ ብኣስታት 2,600 ቋንቋ ተተርጒሙ ኣሎ፣ ብቢልዮናት ብዚቝጸር ቅዳሓት ድማ ተሓቲሙ ኣሎ።

ኣብ ካልእ ክንረኽቦ ዘይንኽእል ሓበሬታ ይህበና እዩ።

2 መጽሓፍ ቅዱስ፡ ትንቢታት ዝሓዘ መጽሓፍ እዩ

ኣምላኽ፡ “ኪሕሱ ዘይክእል” እዩ።—ቲቶስ 1:2

ንመጽሓፍ ቅዱስ ክትኣምኖ እትኽእል ስለምንታይ ኢኻ፧

  • ኢሳይያስ 44:27–45:2

    ቅድሚ ውድቀት ባቢሎን ኣማእታት ዓመታት ኣቐዲሙ፡ ባቢሎን ብኸመይ ከም እትሰዓር መጽሓፍ ቅዱስ ተነብዩ ነይሩ።

  • 2 ጢሞቴዎስ 3:1-5

    ኣብዚ ግዜ እዚ፡ ትንቢታት መጽሓፍ ቅዱስ ይፍጸም ኣሎ።

  • ዘሁልቍ 23:19

    ነቲ መጽሓፍ ቅዱስ ብዛዕባ መጻኢ ዚገልጾ ነገራት ክንኣምኖ ንኽእል ኢና።

3 መጽሓፍ ቅዱስ ንዓኻ ኺሕግዘካ ተባሂሉ እዩ ተዳልዩ

“እቲ ዚጠቕመካ ዚምህረካ፡ . . . ኣነ የሆዋ ኣምላኽካ እየ።” —ኢሳይያስ 48:17

ብዛዕባ መጽሓፍ ቅዱስ እንታይ ተማሂርካ፧

  • እዮብ 26:7፣ ኢሳይያስ 40:22

    መጽሓፍ ቅዱስ ብዛዕባ ስነ ፍልጠታዊ ጕዳያት ዚገልጾ ነገራት ቅኑዕ እዩ።

  • ዘሁልቍ 20:2-12

    ጸሓፍቲ መጽሓፍ ቅዱስ፡ ሓቀኛታት እዮም ነይሮም።

  • ማቴዎስ 5-7

    የሱስ፡ ብኸመይ ሕጕሳት ክንከውን ከም እንኽእል፡ ምስ ካልኦት ብኸመይ ተሳኒና ኽንነብር ከም እንኽእል፡ ብኸመይ ከም እንጽሊ፡ ብዛዕባ ገንዘብ እንታይ ዓይነት ኣረኣእያ ኺህልወና ኸም ዘለዎ ዚገልጽ ምኽሪ ሂቡና እዩ።

4 መጽሓፍ ቅዱስ ንህይወትካ ኪቕይሮ ይኽእል እዩ

“ቃል ኣምላኽ ህያውን ዚዓይን እዩ።”—እብራውያን 4:12

ቃል ኣምላኽ ብኸመይ ኪጠቕመካ ይኽእል፧

  • ዕላማ ኣምላኽ ክትርዳእ ኪሕግዘካ ይኽእል።

  • እንታይ ዓይነት ሰብ ምዃንካ ኽትፈልጥ ኪሕግዘካ ይኽእል።

  • ኣምላኽ እንታይ ብቕዓት ከተማልእ ከም ዚደልየካ ኽትፈልጥ ይሕግዘካ።

ኣምላኽ ንመጽሓፍ ቅዱስ ከተንብቦን ከተጽንዖን ክትፈትዎን ይደልየካ እዩ።