ናብ ትሕዝቶ ኺድ

ናብ ተወሳኺ ዝርዝር ኪድ

ናይ የሆዋ መሰኻኽር

ትግርኛ

ንመጻኢ ብኸመይ ኢኻ እትርእዮ፧

ንመጻኢ ብኸመይ ኢኻ እትርእዮ፧

ንዓለምና ኣብ መጻኢ እንታይ ዜጋጥማ ይመስለካ፧

  • ከምዛ ዘላታ እትቕጽል

  • ካብዚ ዘላቶ እትገድድ

  • ካብዚ ዘላቶ እትመሓየሽ

 መጽሓፍ ቅዱስ እንታይ ይብል፧

“ኣምላኽ . . . ንብዘሎ ንብዓት ካብ ኣዒንቶም ኪደርዝ እዩ፣ ደጊም ሞት ኣይኪኸውንን፡ ደጊም እውን ሓዘን ወይ ኣውያት ወይ ስቓይ ኣይኪኸውንን እዩ። እቲ ቐዳማይ ሓሊፉ እዩ።”​—ራእይ 21:3, 4ትርጉም ሓዳስ ዓለም።

እዚ ብኸመይ ኪጠቕመካ ይኽእል፧

ትርጉም ዘለዎን ዜዕግብን ስራሕ ይህልወካ።​—ኢሳይያስ 65:21-23

ሕማም ወይ መከራ ዘይብሉ ህይወት ይህልወካ።​—ኢሳይያስ 25:8፣ 33:24

ምስ ስድራ ቤትን ፈተውትን እናተሓጐስካ ንዘለኣለም ትነብር።​—መዝሙር 37:11, 29

 ነቲ መጽሓፍ ቅዱስ ዚብሎ ብሓቂ ኽንኣምኖ ንኽእልዶ፧

እወ ንኽእል ኢና፣ እንተ ወሓደ ብኽልተ ምኽንያት።

  • ኣምላኽ ነቲ ዘተስፈዎ ተስፋ ኺፍጽሞ ይኽእል እዩ። የሆዋ ኣምላኽ ማእለያ ዘይብሉ ሓይሊ ስለ ዘለዎ፡ ኣብ መጽሓፍ ቅዱስ ንሱ ጥራይ እዩ “ዅሉ እትኽእል” ተባሂሉ ተጸዊዑ ዘሎ። (ራእይ 15:3) ስለዚ፡ ነቲ ንዓለምና ዝሓሸት ከም ዚገብራ ዘተስፈዎ ተስፋ ምሉእ ብምሉእ ኪፍጽሞ ይኽእል እዩ። ከምቲ መጽሓፍ ቅዱስ ዚገልጾ፡ “ብኣምላኽ . . . ኵሉ ይከኣል እዩ።”​—ማቴዎስ 19:26

  • ኣምላኽ ነቲ ዘተስፈዎ ተስፋ ኺፍጽሞ ይደሊ እዩ። ንኣብነት፡ የሆዋ ነቶም ዝሞቱ ሰባት ናብ ህይወት ኪመልሶም ሃረር ይብል እዩ።​—እዮብ 14:14, 15

    ብዘይካዚ፡ መጽሓፍ ቅዱስ፡ እቲ ወዲ ኣምላኽ ዝዀነ የሱስ ንሕሙማት ከም ዘሕወየ ይገልጽ እዩ። ስለምንታይ እዩ ኸምኡ ገይሩ፧ ኬሕዊ ድሌት ስለ ዝነበሮ እዩ። (ማርቆስ 1:40, 41) የሱስ ነቶም እተሸገሩ ሰባት ኪሕግዞም ይደሊ ስለ ዝነበረ፡ ንባህርያት ኣቦኡ ብፍጹም መገዲ ኣንጸባሪቕዎ እዩ።​—ዮሃንስ 14:9

    ስለዚ፡ የሆዋን የሱስን፡ ዜሐጕስ መጻኢ ኺህልወና ኸም ዚደልዩ ርግጸኛታት ክንከውን ንኽእል ኢና።​—መዝሙር 72:12-14፣ 145:16፣ 2 ጴጥሮስ 3:9

ነዚ ዚስዕብ ሕሰበሉ፦

ኣምላኽ ንዓለምና ዜመሓይሻ ብኸመይ እዩ፧

መጽሓፍ ቅዱስ ነዛ ሕቶ እዚኣ፡ ኣብ ማቴዎስ 6:9, 10፣ ዳንኤል 2:44 ይምልሳ እዩ።

ዝያዳ ፍለጥ

ብስራት ኣምላኽ

ኣምላኽ ንምድሪ ዘለዎ ዕላማ እንታይ እዩ፧

መጽሓፍ ቅዱስ፡ ኣምላኽ ንምድሪ ዝፈጠራ ስለምንታይ ምዃኑ፡ መከራ መዓስ ከም ዜብቅዕ፡ ከምኡውን ኣብ ዚመጽእ ምድሪ እንታይ ከም እትኸውንን ነቶም ኣብኣ ዚነብሩ ሰባት እንታይ ከም ዜጋጥሞምን ይገልጽ እዩ።

ብስራት ኣምላኽ

መንግስቲ ኣምላኽ እንታይ እያ፧

ንጉስ መንግስቲ ኣምላኽ መን እዩ፧ መንግስቲ ኣምላኽ እንታይ እያ እትዓምም፧