ዚርከበሉ ኣገባብ ኣዐሪ

ቋንቋ ምረጽ

ናብ ተወሳኺ ዝርዝር ኪድ

ናብ ትሕዝቶ ኺድ

ናይ የሆዋ መሰኻኽር

ትግርኛ

ንዓለም ዚቈጻጸራ ዘሎ መን እዩ፧

ንዓለም ዚቈጻጸራ ዘሎ መን እዩ፧

መን ይመስለካ፧

  • ኣምላኽ

  • ሰባት

  • ካልእ ኣካል

 መጽሓፍ ቅዱስ እንታይ ይብል፧

“ብዘላ ዓለም እውን ኣብ ትሕቲ ቝጽጽር እቲ እኩይ ምህላዋ ንፈልጥ ኢና።”—1 ዮሃንስ 5:19፡ መጽሓፍ ቅዱስ—ትርጕም ሓዳስ ዓለም (ማቴዎስ-ራእይ)።

“ወዲ ኣምላኽ ከኣ ግብሪ ድያብሎስ ምእንቲ ኼፍርስ እዩ እተጋህደ።”—1 ዮሃንስ 3:8

እዚ ብኸመይ ኪጠቕመካ ይኽእል፧

ጠንቂ እቲ ኣብ ዓለም ዘሎ ጸገማት መን ምዃኑ ትርዳእ።—ራእይ 12:12

ዓለምና ኽትመሓየሽ ምዃና ንኽትኣምን መርትዖ ትረክብ።—1 ዮሃንስ 2:17

 ነቲ መጽሓፍ ቅዱስ ዚብሎ ብሓቂ ኽንኣምኖ ንኽእልዶ፧

እወ ንኽእል ኢና፣ እንተ ወሓደ ብሰለስተ ምኽንያት።

  • ግዝኣት ሰይጣን ኪጠፍእ እዩ። የሆዋ ነቲ ሰይጣን ኣብ ልዕሊ ደቂ ሰብ ዚገብሮ ዘሎ ቝጽጽር መወዳእታ ኺገብረሉ እዩ። ንዅሉ እቲ ሰይጣን ዜምጽኦ ጕድኣት ምሉእ ብምሉእ ብምልጋስ ‘ንድያብሎስ ከም ዚስዕሮ’ ተመባጺዑ እዩ።—እብራውያን 2:14

  • ኣምላኽ ንየሱስ ክርስቶስ ንዓለም ኪገዝኣ መሪጽዎ እዩ። የሱስ ካብቲ ጨካንን ስሱዕን ገዛኢ እዛ ዓለም እዚኣ ፈጺሙ እተፈልየ እዩ። ንሱ ምስ ነገሰ፡ “ንመሳኺንን ንድኻታትን ኪድንግጸሎም፡ . . . ንነፍሶም ካብ ምጥቃዕን ግፍዕን ኪብጀዋ” ምዃኑ፡ ኣምላኽ ተመባጺዑ ኣሎ።—መዝሙር 72:13, 14ትርጕም 1956።

  • ኣምላኽ ኣይሕሱን እዩ። መጽሓፍ ቅዱስ ኣነጺሩ፡ ‘ኣምላኽ ኪሕሱ ኸም ዘይክእል’ ይገልጽ እዩ። (እብራውያን 6:18) እቲ የሆዋ ኺገብሮ እተመባጽዖ ነገር፡ ከይተፈጸመ ኣይተርፍን እዩ። (ኢሳይያስ 55:10, 11) “ገዛኢ እዛ ዓለም እዚኣ ሕጂ ንወጻኢ ኺድርበ እዩ።”—ዮሃንስ 12:31

 ነዚ ዚስዕብ ሕሰበሉ፦

ገዛኢ እዛ ዓለም እዚኣ ምስ ኣልገሰ፡ ዓለም ከመይ ክትመስል እያ፧

መጽሓፍ ቅዱስ ነዛ ሕቶ እዚኣ፡ ኣብ መዝሙር 37:10, 11፣ ራእይ 21:3, 4 ይምልሳ እዩ።

ብዝያዳ ፍለጥ

ኣምላኽ ንምድሪ ዘለዎ ዕላማ እንታይ እዩ፧

መጽሓፍ ቅዱስ፡ ኣምላኽ ንምድሪ ዝፈጠራ ስለምንታይ ምዃኑ፡ መከራ መዓስ ከም ዜብቅዕ፡ ከምኡውን ኣብ ዚመጽእ ምድሪ እንታይ ከም እትኸውንን ነቶም ኣብኣ ዚነብሩ ሰባት እንታይ ከም ዜጋጥሞምን ይገልጽ እዩ።