ዚርከበሉ ኣገባብ ኣዐሪ

ቋንቋ ምረጽ

ናብ ተወሳኺ ዝርዝር ኪድ

ናብ ትሕዝቶ ኺድ

ናብ ትሕዝቶ ኺድ

ናይ የሆዋ መሰኻኽር

ትግርኛ

ብስራት ኣምላኽ

 ትምህርቲ 6

ምዉታት እንታይ ተስፋ ኣለዎም፧

ምዉታት እንታይ ተስፋ ኣለዎም፧

1. ብዛዕባ ምዉታት ዚገልጽ ብስራት እንታይ እዩ፧

የሱስ ኣብታ ኣብ ጥቓ የሩሳሌም እትርከብ ቢታንያ እትብሃል ዓዲ ኣብ ዝበጽሓሉ እዋን፡ ፈታዊኡ ኣልኣዛር ካብ ዚመውት ኣርባዕተ መዓልቲ ገይሩ ነበረ። ምስተን ማርታን ማርያምን ዝስመን ኣሓት እቲ መዋቲ ድማ፡ ናብ መቓብር ኣልኣዛር ከደ። ብዙሓት ሰባት ከኣ ተኣከቡ። የሱስ ንኣልኣዛር ካብ ምዉታት ምስ ኣተንስኦ፡ ማርታን ማርያምን ክሳዕ ክንደይ ከም እተሓጐሳ እሞ ሕሰብ!ዮሃንስ 11:21-24, 38-44 ኣንብብ።

ማርታ ነቲ ብዛዕባ ምዉታት ዚገልጽ ብስራት ኣቐዲማ ትፈልጦ ነይራ እያ። የሆዋ ንምዉታት ኣተንሲኡ እንደገና ኣብ ምድሪ ኸም ዜንብሮም ትፈልጥ ነይራ እያ።እዮብ 14:14, 15 ኣንብብ።

2. ምዉታት ኣብ ከመይ ዝበለ ዅነታት እዮም ዘለዉ፧

ኣምላኽ ንኣዳም፡ “መሬት ኢኻ እሞ፡ ናብ መሬት ድማ ትምለስ” በሎ።ዘፍጥረት 3:19

ካብ ሓመድ ምድሪ ኢና ተፈጢርና። (ዘፍጥረት 2:7፣ 3:19) ይኹን እምበር፡ ስጋ ዝለበስና መንፈስ ኣይኰንናን። ኣካል ዘሎና ፍጡራት ስለ ዝዀንና፡ ካብ ሞት እተምልጥ ነፍሲ የብልናን። ምስ ሞትና፡ ሓንጎልና ስለ ዚመውት፡ ሃቐናና ወይ ሓሳባትና ይጠፍእ እዩ። ኣልኣዛር ሞይቱ ኸሎ ብዛዕባ ዘጋጠሞ ዅነታት ዋላ ሓንቲ ኣይተዛረበን፣ እዚ ኸኣ፡ ምዉታት ገለ እኳ ኸም ዘይፈልጡ ዚሕብር እዩ።መዝሙር 146:4፣ መክብብ 9:5, 6, 10 ኣንብብ።

ኣምላኽ ንሰባት ድሕሪ ሞት ብሓዊ የሳቕዮም ድዩ፧ መጽሓፍ ቅዱስ፡ ምዉታት ገለ እኳ ኸም ዘይፈልጡ ስለ ዚነግረና፡ ገሃነም እሳት ንኣምላኽ ዜካፍእ ናይ ሓሶት ትምህርቲ ምዃኑ ንጹር እዩ። እቲ ንሰባት ብሓዊ ምስቓይ ዚብልዎ ሓሳብ፡ ንኣምላኽ የስገድግዶ እዩ።ኤርምያስ 7:31 ኣንብብ።

 3. ምዉታት ኪዛረቡና ይኽእሉዶ፧

ምዉታት ኪዛረቡ ዀነ ኺሰምዑ ኣይክእሉን እዮም። (መዝሙር 115:17) ኰይኑ ግና፡ ገሊኦም እኩያት መላእኽቲ፡ ምዉታት ሰባት መሲሎም ብምዝራብ፡ ኬታልሉ ይኽእሉ እዮም። (2 ጴጥሮስ 2:4) የሆዋ ንምዉታት ምሕታት ከልኪሉ እዩ።ዘዳግም 18:10, 11 ኣንብብ።

4. መን እዮም ዚትንስኡ፧

ኣብ መቓብር ዘለዉ ብሚልዮናት ዚቝጸሩ ሰባት፡ ኣብ ምድሪ ንኺነብሩ ኺትንስኡ እዮም። ንኣምላኽ ብዘይምፍላጦም ክፉእ ተግባር ዚገብሩ ዝነበሩ ገሊኦም ሰባት እውን ከይተረፈ ኺትንስኡ እዮም።ሉቃስ 23:43፣ ግብሪ ሃዋርያት 24:15 ኣንብብ።

እቶም ካብ ምዉታት ዚትንስኡ ሰባት ብዛዕባ ኣምላኽ እቲ ሓቂ ኺመሃሩ፡ ንየሱስ እዙዛት ብምዃን ድማ እምነቶም ኬርእዩ እዮም። (ራእይ 20:11-13) እቶም ትንሳኤ ዚረኽቡን ሰናይ ዚገብሩን ሰባት ኣብ ምድሪ ንዘለኣለም ኪነብሩ እዮም።ዮሃንስ 5:28, 29 ኣንብብ።

5. ትንሳኤ ብዛዕባ የሆዋ እንታይ ይምህረና፧

ኣምላኽ ንወዱ ኣብ ክንዳና ንኺመውት ብምልኣኽ፡ ብዛዕባ ምዉታት ተስፋ ኸም ዚህሉ ገበረ። ስለዚ፡ ትንሳኤ ብዛዕባ ፍቕሪ የሆዋን ጸጋኡን ይምህረና እዩ። ምዉታት ኪትንስኡ ኸለዉ ብፍላይ ንመን ክትረኽቦ ምደለኻ፧ዮሃንስ 3:16፣ ሮሜ 6:23 ኣንብብ።

 

ብዝያዳ ፍለጥ

ምዉታት ኣበይ እዮም ዘለዉ፧

ምዉታት ብዛዕባ ዘለዉሉ ዅነታትን ሰባት ብዛዕባ ዚሞቱሉ ምኽንያትን መጽሓፍ ቅዱስ እንታይ ከም ዚብል ተምሃር።

እቶም እተፍቅሮም ምዉታት ዘለዎም ናይ ሓቂ ተስፋ

እተፍቅሮ ሰብ ሞይቱካዶ ይፈልጥ፧ እንደገና ኽትርእዮ ትኽእል ዲኻ፧ መጽሓፍ ቅዱስ ብዛዕባ ትንሳኤ እንታይ ከም ዚምህር ፍለጥ።

መንፈሳውያን ፍጡራት ብኸመይ እዮም ዚጸልዉና፧

መጽሓፍ ቅዱስ ብዛዕባ መላእኽትን ኣጋንንትን ይዛረብ እዩ። እዞም መንፈሳውያን ፍጡራት ብሓቂ ዘለዉ ድዮም፧ ኣብ ህይወትካ ጽልዋ ኺገብሩኸ ይኽእሉ ድዮም፧