ዚርከበሉ ኣገባብ ኣዐሪ

ቋንቋ ምረጽ

ናብ ተወሳኺ ዝርዝር ኪድ

ናብ ትሕዝቶ ኺድ

ናብ ትሕዝቶ ኺድ

ናይ የሆዋ መሰኻኽር

ትግርኛ

ብስራት ኣምላኽ

 ትምህርቲ 15

መጽናዕትኻ ኽትቅጽል ዘሎካ ስለምንታይ ኢኻ፧

መጽናዕትኻ ኽትቅጽል ዘሎካ ስለምንታይ ኢኻ፧

1. መጽናዕቲ መጽሓፍ ቅዱስ ምቕጻልካ ብኸመይ ይጠቕመካ፧

እቲ ብዛዕባ መሰረታዊ ትምህርቲ መጽሓፍ ቅዱስ ዝቐሰምካዮ ሓፈሻዊ ፍልጠት፡ ነታ ንየሆዋ ዘላትካ ፍቕሪ ኸም ዘደልደላ ፍሉጥ እዩ። እዛ ፍቕሪ እዚኣ እናደልደለት ንኽትከይድ ከኣ ቀጻሊ ኽትትል የድልያ እዩ። (1 ጴጥሮስ 2:2) ነቲ ናይ ዘለኣለም ህይወት ተስፋኻ ኽትረኽቦ እትኽእል፡ ነቲ ቓል ኣምላኽ ዝዀነ መጽሓፍ ቅዱስ ብምጽናዕ፡ ወትሩ ናብ ኣምላኽ እንተ ቐሪብካ ጥራይ እዩ።ዮሃንስ 17:3፣ ይሁዳ 21 ኣንብብ።

ብዛዕባ ኣምላኽ ዘሎካ ፍልጠት እናወሰኸ ብዝኸደ መጠን ከኣ፡ እምነትካ እናደልደለት እያ እትኸይድ። እምነት ድማ ንኣምላኽ ንኸተሐጕሶ ኽትሕግዘካ እያ። (እብራውያን 11:1, 6) ተነሲሕካ፡ ኣብ ናብራኻ ኣድላዪ ለውጢ ንኽትገብር እውን ክትድርኸካ እያ።ግብሪ ሃዋርያት 3:19 ኣንብብ።

2. እቲ ብዛዕባ ኣምላኽ ዘሎካ ፍልጠት ንኻልኦት ኪጠቕሞም ዚኽእል ብኸመይ እዩ፧

ምስ የሆዋ ፍሉይ ርክብ ኪህልወካ ይኽእል እዩ

ነቲ እተመሃርካዮ ንኻልኦት ክትነግሮም ከም እትደሊ ፍሉጥ እዩ። ኵላትና ብስራት ክንነግር ባህ እዩ ዚብለና። መጽሓፍ ቅዱስ ከተጽንዕ ከለኻ፡ ነቲ ኣብ የሆዋን ኣብቲ ብስራትን ዘሎካ እምነት ብመጽሓፍ ቅዱስ ጌርካ ንኻልኦት ብኸመይ ከም እትገልጸሎም ክትመሃር ኢኻ።ሮሜ 10:13-15 ኣንብብ።

መብዛሕትኦም ሰባት ነቲ ብስራት መጀመርታ ንፈተውቶም ወይ ንኣዝማዶም እዮም ዚነግርዎም። ነቲ ብስራት ክትነግር ከለኻ ሜላ ተጠቐም። ነቶም ሰባት ሃይማኖቶም ቅንዕቲ ኸም ዘይኰነት ኣብ ክንዲ እትነግሮም፡ ብዛዕባ መብጽዓታት ኣምላኽ ንገሮም። ብተወሳኺ፡ መብዛሕትኡ ግዜ ንሰባት ብዝያዳ ዚማርኾም ዘረባኻ ዘይኰነስ፡ እቲ ለዋህ ጠባይካ ምዃኑ ኣይትረስዕ።2 ጢሞቴዎስ 2:24, 25 ኣንብብ።

3. ምስ ኣምላኽ ከመይ ዝበለ ርክብ እዩ ኺህልወካ ዚኽእል፧

ነቲ ቓል ኣምላኽ ዝዀነ መጽሓፍ ቅዱስ ምጽናዕካ፡ ብመንፈስ ንኽትዓቢ ኺሕግዘካ እዩ። ኣብ መወዳእታ ኸኣ፡ ምስ የሆዋ ፍሉይ ርክብ ይህልወካ። ኣባል ስድራ ቤቱ ብምዃን ድማ ናቱ ኽትከውን ትኽእል ኢኻ።2 ቈረንቶስ 6:18 ኣንብብ።

 4. ቀጻሊ ዕቤት ክትገብር እትኽእል ብኸመይ ኢኻ፧

ብቐጻሊ ቓል ኣምላኽ ምስ እተጽንዕ፡ ብመንፈስ ክትዓቢ ትኽእል ኢኻ። (እብራውያን 5:13, 14) ሓደ ኻብ ናይ የሆዋ መሰኻኽር በታ መጽሓፍ ቅዱስ ብሓቂ እንታይ እዩ ዚምህር፧ ዘርእስታ መጽሓፍ ገይሩ፡ መጽሓፍ ቅዱስ ንኺምህረካ ሕተቶ። ቃል ኣምላኽ ብእተመሃርካ መጠን፡ ኣብ ህይወትካ ዝያዳ ኣሳልጦ ኽትረክብ ኢኻ።መዝሙር 1:1-3፣ 73:27, 28 ኣንብብ።

እቲ ብስራት ካብቲ ሕጉስ ኣምላኽ ዝዀነ የሆዋ እዩ ዚመጽእ። ንኣምላኽ ንኽትቀርቦ ድማ ናብ ህዝቡ ኽትቀርብ ኣሎካ። (እብራውያን 10:24, 25) ኵሉ ሳዕ ንየሆዋ ኸተሐጕሶ እንተ ጽዒርካ፡ ነቲ ናይ ሓቂ ህይወት ዝዀነ ናይ ዘለኣለም ህይወት ክትረኽቦ ኢኻ። ካብቲ ናብ ኣምላኽ ንምቕራብ እትገብሮ ጻዕሪ ዚበልጽ ነገር የለን።1 ጢሞቴዎስ 1:11፣ 6:19 ኣንብብ።

 

 

ብዝያዳ ፍለጥ

ኣብ ኣዳራሽ መንግስቲ ኣምላኽ እንታይ እዩ ዚግበር፧

ኣብኡ እንታይ ከም ዚግበር እስከ ርአ።

መጽሓፍ ቅዱስ ከተጽንዕ ዘሎካ ስለምንታይ ኢኻ፧

መጽሓፍ ቅዱስ፡ ኣብ መላእ ዓለም ንዚነብሩ ብሚልዮናት ዚቝጸሩ ሰባት፡ ንኣገዳሲ ሕቶታት ህይወት መልሲ ንኺረኽቡሉ ይሕግዞም ኣሎ። ንስኻኸ ሓደ ኻባታቶም ክትከውን ትደሊዶ፧

ብጸሎት ኣቢልካ ንኣምላኽ ቅረቦ

ክትጽሊ ኸለኻ ኣምላኽ ይሰምዓካ ድዩ፧ መልሲ እዛ ሕቶ እዚኣ ንምርካብ፡ መጽሓፍ ቅዱስ ብዛዕባ ጸሎት እንታይ ከም ዚምህር ክትርዳእ ኣሎካ።