መልሲ መጽሓፍ ቅዱስ

 መጽሓፍ ቅዱስ ብዛዕባ ጠላዕ ወይ ቁማር ብዝርዝር ዘይገልጽ እኳ እንተ ዀነ፡ ኣምላኽ ንጠላዕ ሓጢኣት ገይሩ ኸም ዚርእዮ ኻብ መሰረታዊ ስርዓታት መጽሓፍ ቅዱስ ከነስተውዕል ንኽእል ኢና።—ኤፌሶን 5:17። a

•   ጠላዕ ካብቲ ኣምላኽ ዚጸልኦ ስስዐ እዩ ዚብገስ። (1 ቈረንቶስ 6:9, 10፣ ኤፌሶን 5:3, 5) ተጣላዕቲ ብኽሳራ ኻልእ ኪኸስቡ ተስፋ ይገብሩ እዮም፣ መጽሓፍ ቅዱስ ግና ንንብረት ሰብ ምትምናይ ይዅንኖ እዩ።—ዘጸኣት 20:17፣ ሮሜ 7:7፣ 13:9, 10።

•   ጠላዕ፡ ዋላ እኳ ብንእሽቶ ገንዘብ እንተ ዀነ፡ ዜጥፍእ ፍቕሪ ገንዘብ ኬለዓዕል ይኽእል እዩ።—1 ጢሞቴዎስ 6:​9, 10።

•   ተጣላዕቲ መብዛሕትኡ እዋን ኣብ ማሪት ወይ ዕድል ይኣምኑ እዮም። እንተዀነ ግና፡ ኣምላኽ ነዚ ምስ ኣምልኾኡ ዘይሳነ ዓይነት እምነት ከም ኣምልኾ ጣኦት ገይሩ ይርእዮ እዩ።—ኢሳይያስ 65:11።

•   መጽሓፍ ቅዱስ፡ ዘይጸዓርካሉ ኽትረክብ ኣብ ክንዲ እትምነ፡ ክትጽዕር እዩ ዜተባብዕ። (መክብብ 2:24፣ ኤፌሶን 4:28) ንሰባት ከኣ፡ “እናዓየዩ እንጌራኦም ኪበልዑ” እዩ ዚምዕድ።—2 ተሰሎንቄ 3:10, 12።

•   ጠላዕ ናይ ምትህልላኽ መንፈስ የለዓዕል እዩ፣ ነዚ እውን መጽሓፍ ቅዱስ ይዅንኖ እዩ።—ገላትያ 5:26።