Гузаштан ба маводи асосӣ

Барои беҳтар кардани вазъияти ҷаҳон чӣ лозим аст?

Барои беҳтар кардани вазъияти ҷаҳон чӣ лозим аст?

Ба фикри шумо...

  • пул?

  • маълумоти олӣ?

  • ё ҳукмронии Худо?

 КИТОБИ МУҚАДДАС ЧУНИН МЕГӮЯД

«Дар замони он подшоҳон Худои осмон подшоҳие барпо мекунад, ки ҳеҷ гоҳ барҳам намехӯрад» (Дониёл 2:44, Тарҷумаи дунёи нав).

«Ба ӯ ҳокимият, шукӯҳ ва подшоҳӣ дода шуд... Ҳукмронии ӯ абадист ва ҳаргиз аз байн намеравад ва подшоҳии ӯ нест намешавад» (Дониёл 7:14, Тарҷумаи дунёи нав).

ИН БАРОИ ШУМО ЧӢ МАЪНО ДОРАД?

  • Ҳокимияти боадолате, ки шахсан ба шумо манфиат оварда метавонад (Ишаъё 48:17, 18).

  • Ҳаёти комилан солим ва хушбахт, дар дунёи нави омадаистода (Ваҳй 21:3, 4).

 ОЁ МО БА СУХАНОНИ КИТОБИ МУҚАДДАС БОВАРӢ КАРДА МЕТАВОНЕМ?

Бале, камаш ду сабаб вуҷуд дорад:

  • Исои Масеҳ нишон дода буд, ки Подшоҳии Худо чӣ кор хоҳад кард. Ӯ шогирдонашро таълим медод, ки оиди омадани Подшоҳии Худо ва дар замин иҷро шудани иродаи Худо, дуо гӯянд (Матто 6:9, 10). Исо нишон дод, ки чӣ тавр ин дуо мустаҷоб мегардад.

    Ҳангоми дар замин буданаш Исо, гуруснагонро сер мекард, беморонро шифо медод ва мурдагонро зинда мекард (Матто 15:29–38; Юҳанно 11:38–44). Чун шоҳи ояндаи Подшоҳии Худо, Исо нишон дод, ки он барои тобеонаш дар оянда чӣ корҳои нек хоҳад кард (Ваҳй 11:15).

  • Вазъияти ҷаҳон нишон медиҳад, ки омадани Подшоҳии Худо наздик аст. Исои Масеҳ пешгӯӣ карда буд, ки пеш аз он ки Подшоҳии Худо ба замин сулҳу осоиштагӣ биёрад, дунёи мо аз ҷангҳо, қаҳтиҳо ва заминҷунбиҳо пур хоҳад шуд (Матто 24:3, 7).

    Имрӯз мо мебинем, ки чӣ тавр ин пешгӯйӣ иҷро шуда истодааст. Аз ин рӯ боварӣ дошта метавонем, ки ба наздикӣ Подшоҳии Худо ба ҳамаи душвориҳо хотима мебахшад.

 ДАР ИН БОРА ФИКР КУНЕД

Ҳаёт дар зери Подшоҳии Худо чӣ гуна хоҳад буд?

Китоби Муқаддас ба ин савол ҷавоб медиҳад: ЗАБУР 36:29 ва ИШАЪЁ 65:21–23.