Kosomar nuejaas toma

Skip to secondary menu

Skip to table of contents

Ajenak Luka Yawe

Ateso

Aijarawok naka Ekristayone ka Alimonokin–Eitabo loka airaimununeta  |  Elap Lokiuniet 2017

 AIJAR KWAPE IKRISTAYON

Epone Loitosomaet EitaboKopupok Edeke

Epone Loitosomaet EitaboKopupok Edeke

Inomunitai eitabo kopupok Edeke kojaasi aputosia kanu aisisianakinia itunga lumam epedoritos aisiom. Kangin aisisiaet edodikinitai ijo aputosia nuetupakinete.

Eitabo Kopupok Edeke Ido Kojar Ikar Kere ejaasi keda aputosia kwape kanuejaasi oitabo Kopupok Edeke, konye ejaatar akiro nuipu ido itosomao kanu aisisianakina itunga luetamitos aisiom. Etapit iinacan aitosom eitabo lo kotoma aisisia kede itunganan kitosomai ikesisian Kopupok Edeke. Kotoma apapulai ace ejai asaduku naejaasi akiro nuipedori ijo aitetem kede ikesisian otupite epone loepedoria ngesi amisiikin.

Ipedori ijo akorar itabon lu adisipak kere arai da mam eraasi luitodiaritai akorar kotoma olap. Kotoma aisisia Ebaibuli keda ngesi kitosom aputosia kanu aitetem akiro nuko Obaibuli. Kingit aingiseta nuibusakinit ekesisian abongokin ido koany ebe emisiikini ngesi nuisisaete yesi. Kosiomata ido kitetem ikokoron luejaas kwap naka apapulai kere aarei. Kingetakis aisisia eitabo ngon, kikopasi aisisia Anyoika Bo Cut Nuisisianakini Ebaibuli? arai bo Anyoika bo Nuisisianakini Oni Ebaibuli? Kanu aingarakin ikesisian apoloor kitoni aibatisaun.