Kosomar nuejaas toma

Skip to secondary menu

Skip to table of contents

Ajenak Luka Yawe

Ateso

Aijarawok naka Ekristayone ka Alimonokin–Eitabo loka airaimununeta  |  Elap Loitomonet Karei 2017

 AIJAR KWAPE IKRISTAYON

Aitojokaar Alimonokiniwok​—Adolonokin Itunga Kere Kotoma Alimonokiniwok

Aitojokaar Alimonokiniwok​—Adolonokin Itunga Kere Kotoma Alimonokiniwok

NUIBUSAKINITOR: Abu Sekaria kodwarite ebe epote itunga luka angajepisinei kere luka atekerin acamun akiro nukajokak. (Sek 8:23) Konye ingai bo ebeit aisisianakin kes? (Rom 10:13-15) Ejai oni epelu ka arereng naka alimonokin itunga kere akiro nukajokak katutubetewok.​—od-E 84 ¶10-11.

EPONE LOIPEDORIA IJO ASWAM NGUN:

  • Kitemonok. Idumununei ijo itunga luineras angajep ace? Kitosom JW Language app kanu aisiauna epone lolimonokinet kangajep kangin. Arai bo nat ipedori aitosom esimukon kanu aitodikin itunganan epone loedumunia ngesi akiro ace ko jw.org

  • Kopodokinite itunga. Naijar toma alimonikin, sirikipalu alimonokin irerengik adumun itunganan. Kolimonok itunga luiriamakinos kajo arai ngul luajaas idaritos emotoka. Arai ilimonokini ijo kane etukotor itunga, kosal ipodokinit alosikinetekon naka alimonokin

  • Kokokak. Inyikok adolonokin ngul luamameete ore. Iswama nuipedori kere adolokin itunganan yenikatutubet kangin arai bo nat ipedori aswam ngun isawan ice arai acepaaran kosabiiti loetupakini. Ipedori ijo aiwadikakin ice ebalua arai bo nat ainomain esimu arai bo adolokin kesi kediopone kere

  • Kibwapak. Ekoto ijo abongor erika apak neejai itunganan yenineritos kajo. Arai inera itunganan angajep ace, komou itunganan yenepedori aingarakin nges kangajepeke. Ekoto ijo ainyikokin abongonor neejai itunganan ngin kitoni neidumakina ijo ngesi iinacan luineras angajepeke.​—od-E 94 ¶39-40

KOSESENATA EBIDIO ALIMONOKIN “KITON OSANGE DA LOKA AKWAP,” KOSODETE ABONGONOKIN AINGISETA NU:

  • Epone bo ani apotu iinacan itemonokinotor kanu adolokin itunga luko ocaalo? (1Kor 9:22, 23)

  • Anyoika bo ainingosia nuapotu kotereikinos kakes?

  • Anyoika bo arerengusio nuapotu kesi kodumutu?

  • Anyoika bo nuipedori ijo aswam kanu adolokin itunga luipu kotoma alimokinikon?