Erai aijar ainakinet naepol. Arai itosom oni ainakinet ngin ejok, itoduni oni ebe isiyalamikinit oni nges. Oni kwape Ajenak Luka Yawe inyikokinit aitosom atalantanawok keda agogonguwok kanu aijaikinia ayongio ka aibuses neejai Yawe loeinakinit oni aijar. (Sab 36:9; Apu 4:11) Konye, aiyalolongo naka aijar kotoma akwap na nakaronon epedorete aitapaar oni kotoma aijaanakin. (Mk 4:18, 19) Epedori nginitunganan aingitakin ebe: ‘Ainakinit kereka eong Yawe nuapedori kere? (Kos 14:2) Epone bo ani itotolinikinia akaswam aijaanakinika? Anyoika bo alosikinetaka nukomoyo? Epone bo ani apedoria eong aiyatakin apak naka alimonokinika?’ Arai ejaasi nuibusakinit ijo aitojokaar aswam, kilip Yawe aingarakin ijo kosodi aswam aijulanakineta nuibusakinito. Komam abuonokin, aiturit Yawe anginipaaran, eyauni aiyalama kotoma aijarawok!​—Sab 61:8.

Ingai bo ikoto ijo aijaikin atalantanakon?

KOSESENATA EBIDIO ITOSOM ATALANTAKON KANUKA YAWE, KOSODETE ABONGOKIN AINGISETA NUTA:

  • Kanukinyo mam ejokunar oni aitosom awokotalantan kotoma akwap naka Satan? (1Yok 2:17)

  • Anyoika bo arerengusio nuedumunete ngun luijaikinete Yawe nuepedorete kere?

  • Inyoika bo iponesio luipedoria ijo aijaanakin Yawe keda aitalantanakon?