9:1-7

Koomoom ber ijo epone loabu Yesu kopupunio akaulo naka aiirar eporoto loka Papake elimori ebe, lo nges lominataka. Apotu akiro ngun kitogogongoto Yesu kanu atiokisio nuabeit ngesi atereikin koingaren. Arai aitapoet ngin naajok noi kama ejai Petero, Yakob keda Yokana naarai abu ingarak kesi ajenun ebe erai Yesu Mesia ido ibusakinit kesi arimaarit nges. Akaulo naka ikar 32, abu Petero kitetem nuikamunitos aitapoet ngin ido abu itacau epone loabu ‘akirot naka inabin’ kitogogongia akeiyuun.​—2Pet 1:16-19.

Karaida mam oni iwanyunit aitapoet ngin, irai oni ajenak luka aitodolikinet naka aitapoet kangin. Ipugai Yesu kwape kwana kwape Ekabaka. Eyapie nges “angetakin aipikorike,” koraun do akwap Paradais.​—Apu 6:2, NW.

Epone bo ani itogogongia aitodolinikineta nuka adwareta nuka Ebaibuli aiyuunikon?