Kosomar nuejaas toma

Skip to secondary menu

Skip to table of contents

Ajenak Luka Yawe

Ateso

Aijarawok naka Ekristayone ka Alimonokin–Eitabo loka airaimununeta  |  Elap Loikanyet Kape 2017

 AIJAR KWAPE IKRISTAYON

Kodum Aiyalama Kotoma Alimonokin Akiro Nukajokak

Kodum Aiyalama Kotoma Alimonokin Akiro Nukajokak

Imina kereka ijo aipup bala etiono alimonokin? Kibongokini oni kere aingiset na kabakasi ebe eebo. Kanukinyo? Aticepak itereinikin oni keda areio ka edinget kaiboisitiwok arai bo ikuriana oni einer keda itunga lumam oni inaikit. Kotoma abeit, epedorete iboro lu ainakin oni amamut kaiyalama. Keja ngun da, imai oni Edeke loiyalama ido ekoto ngesi oni aijaanakin kaiyalama. (Sab 100:2; 1Tim 1:11) Anyoika bo akiro auni nuibusakinitor oni alelakin alimonokin?

Nasodit, kilimonokini oni akirot naka amuno. Karaida euta amuno amameun kotunga apaarasia nu, kilimokinokini oni kesi “akiro nukajokak.” (Isa 52:7) Epedorete akiro nukajokak nuka Ajakanut naka Edeke ainakin oni aiyalama. Eroko ijo eloto alimonokin, koomoom ber nuikamunitos arerengusio nueyangauni Ajakanut naka Edeke toma akwap.

Naiareikini, einakinete akiro nukajokak itunga aimedaun kotoma aijarakec ka kotoma omoyo. Isisiaunete kesi ajalakin aswamisio nuarokok kosodete adumun amuno naka aijar ikar kere. (Isa 48:17, 18; Rom 1:16) Koomoom ber ijo iswamai oni aswam naka amoot-ka-alakun luce. Karaida engeritos itunga ice alakunio, kinyikokini oni amoote ngul luecamunitos.​—Mat 10:11-14.

Naiuniet ido naepol kakere, eyangauni alimonokiniwok aibuses nejai Yawe. Isiyalamikinit ngesi noi aswamuwok naka alimonokin. (Isa 43:10; Bur 6:10) Iyatakini, einakinit ngesi oni emoyo lokalaunan kotoma asianut kanu aitodolikin aswam na. Kanuka ngun, kilip Yawe koinak ijo ailel naerai araito naka emoyo lokalaunan. (Gal 5:22) Keda aingarakinio naebuni kama ejai ngesi, ipedoria oni aipikor aiyalolongo keda atiting. (Asw 4:31) Nges konyet idumunia oni aiyalama kotoma aswam naka alimonokin karaida mam itunga ecamunitos katutubetewok.​—Esk 3:3.

Ejautene bo ani ibusakinitor ijo ajaut kotoma alimonokin? Epone bo ani itoduna ijo aiyalama?

KOSESENATA EBIDIO KINYAKU BOBO AIYALAMAKON KOTOMA AISISIA KEDA AINYABUK, KA ABONGONOKIN AINGISETA NUTA:

  • Kanukinyo ibusakinitor oni aisingarenit inyamatawok luka emoyo karaida ilimonokini oni adaun isawan luipu kangolilap?

  • Epone bo ani ibusakinitor oni aputoor Mary?

  • Iwori bo itemokinitor ijo ainyabuk nuikamunitos akirot naka Edeke?

  • Inyo kisiyalamikinit ijo kotoma aswam naka alimonokin akiro nukajokak?