Kosomar nuejaas toma

Skip to secondary menu

Skip to table of contents

Ajenak Luka Yawe

Ateso

Aijarawok naka Ekristayone ka Alimonokin–Eitabo loka airaimununeta  |  Elap Loikanyet Kape 2017

 AIJAR KWAPE IKRISTAYON

Kominu Iponesio Luka Yawe Lukadolit

Kominu Iponesio Luka Yawe Lukadolit

Ijaikinit Yawe itunga iponesio luedolit atupit kwape aanyunet ijaikinit ngesi aicoreta nuikamunitos edukone araut eidicane lomam enangi kiding ekiliokit ka akeberu. (Mat 19:4-6, 9) Elait Yawe akirosinei kere nuka adoteu. (1Kor 6:9, 10) Ido ijaikinit ngesi aicoreta nuikamanara keda enape loejok loetiakunit iketunga.​—Ikis 22:5; 1Tim 2:9, 10.

Ilolo kotoma akwapin, egiritos itunga aicoreta nuka Edeke. (Rom 1:18-32) Ejautu kesi iponesio luikaikina luka enape loepwakunitai ka ikeceponesio ice lueroko. Itojokitos itunga luipu ikeceponesio lueroko konye komoromoroete ngul lueyongitos Edeke.​—1Pet 4:3, 4.

Kwape Ajenak Luka Yawe, ibusakinit oni aitopoloorit iponesio luka Edeke lukadolit. (Rom 12:9) Koipone bo ani? Ibusakinit oni alimokin luce nuekoto ngesi ketosomaete acoa. Ekoto bobo oni da ajaut kiponesio luajokak kotoma aijarawok. Kwape aanyunet, naiseunia oni inapenewok, ibusakinit oni aingitakin ebe: ‘Etodunit kereka eong ebe apodokinit eong nuebala akirot naka Yawe kotoma aseununetaka araibo nukakwap? Itodiarit kereka anapitoka keda epone loetala eong ikatim eong kwape Ekristayot loayongit Edeke?’ Arai naiseunia ijo nuisoma arai bo nat asesen ebidio, ekoto ijo aingitakin ebe: ‘Itojokit kereka Yawe iboro lu? Iponesioke bo angai itodunitos kesi? Epedori kereka aitelelio naseunit eong amunaar ikaponesio lukajokak? (Sab 101:3) Epedori kereka aituguikin lukokaleka arai bo icetunga?’​—1Kor 10:31-33.

Kanukinyo ibusakinitor oni aitopoloorit iponesio luka Yawe? Eyapie Kristo amudiar itunga lukarokok kere. (Esk 9:4-7) Ngul luiswamaete akote naka Edeke bon kesi epote asalakin. (1Yok 2:15-17) Kanuka ngun, ekoto oni aitodun iponesio luka Yawe tetere itunga luesesenete iponesiowok lukajokak ijaikinete Yawe aibuses.​—1Pet 2:11, 12.

Anyoika bo nuitodunit epone loaseununa eong igoen ka epone loetala eong ikatim kanuikamunitos iponesioka?

KOBOLIAK EBIDIO KORAUN EPAPERO LOKA YAWE​—EDIOPETUNGANAN, ADIOPEBERU, KA ABONGONOKIN AINGISETA NU:

  • Kanukinyo ejokunar atupit aicoreta nuka Yawe?

  • Kanukinyo ibusakinitor auriak alingakin aisisianakin ikecedwe aicoreta nuka Yawe eroko edisiak?

  • Epone bo ani epedoriata atumunak ka luemojongito aingarakin luce aimedaun kotoma ajokis naka Edeke?