Kosomar nuejaas toma

Skip to secondary menu

Skip to table of contents

Ajenak Luka Yawe

Ateso

Epedori Ekale Kon Araun Loiyalama

 ATUTUBET 2

Koraasi lumunokina bonik

Koraasi lumunokina bonik

“Kwagin luadau Edeke airotakin kinyek itunganan aitiak.”—Marako 10:9

Ekoto Yawe oni araas “luitasono.” (Mika 6:8) Eraas nu nuepolok noi kodukonekus, naraai arai emamei aitasono emamei amuno. Erai amuno ibore yen epol noi tetere amina kiyatakin.

Lolo edit amuno kodukone. Kanu ijo ayuwar edukone kon, ibusakinit ijo aswam iboro iyarei.

 1 KITOPOLO EDUKONE KON

NUEBALA EBAIBULI: ‘Koraas luitopoloritos iboro lukajokak.’ (Ipilipin 1:10) Edukone kon nges erai ibore yen epol noi kotoma aijar kon. Ibusakinit do ijo aitopolorit.

Ekoto Yawe ijo amina aberu “aparasia kere nuka aijarakon.” (Ekalimonokinan 9:9) Kitacaunit nges ebe mam ibusakinit ijo ajalite nowaikon konye, ibusakinit yesi kere aimo irotin luepedorete aisialamikin yesi. (1 Ikorinton 10:24) Ekoto aberu kon aanyun ebe imina ijo nges ido kopodokinite da.

NUIPEDORI IJO ASWAM:

  • Koany ebe kidumunete apak kanu aiboi nepepe, kosodi aitoikin akit neinerar yenowaikon

  • Komoom kwape “oni” mere kwape “eong”

 2 KIDAR EKONITAU

NUEBALA EBAIBULI: “Ŋolituŋanan loeseseni kaiŋobel, etielo ŋes kotauke.” (Matayo 5:28) Arai eomoon itunganan nuikamunitos adoteu araun do nges yen mam emunokina yenowaike.

Ebala Yawe ebe ibusakinit ijo “aidar ekonitau.” (Awaragasia 4:23; Yeremia 17:9) Kanu aswam nu, ibusakinit ijo aidar akonye kon. (Matayo 5:29, 30) Kotup aanyuneteke Yob, lo abu kiswama aitutuket kede akekonye mam asesen aberu ka aingobel. (Yob 31:1) Korai loijaas kede alosikinet namam asesen aputosia numujal. Mam ijo ibusakinit aingobel aberu kere namam erai nakon.

NUIPEDORI IJO ASWAM:

  • Kiswama nuitodikinitos itunga ebe kirai ijo yenidukokina

  • Kopodokinite noi yenowaikon, kosodi aitanang katipet edio paperone lomam eyangauni nges aiyalama