Kosomar nuejaas toma

Skip to secondary menu

Skip to table of contents

Ajenak Luka Yawe

Ateso

Epedori Ekale Kon Araun Loiyalama

 ATUTUBET 7

Eipone Loisisianakinet Ikoku Kon

Eipone Loisisianakinet Ikoku Kon

“Akiro nu da, nukecorakini lolo, kojaananas otaukon: ido kodunyakinite aisisianakin kes ikonidwe.”—Ikisila 6:6, 7

Ne etegeara Yawe atutuket nako okale, abu nges koinak auriak aidar idwe kec. (Ikolosain 3:20) Erai apedor kon kwape aurian aisisianakin ikokukon amina Yawe ka apoloun araun etunganan loemunoono. (2 Timoteo 1:5; 3:15) Ibusakinit ijo da aisisiaun nuejaas toma otau okokon araibo akokon. Eebo, aanyunet kon erai ibore yen epol noi. Ipedori ijo aisisianakin ikonikoku akiroke Yawe arai ige ijo aibuaikin kesi cut otau kon.—Isabulin 40:8.

 1 KORAAS LUEPATANAKINIT IDWE KUS ADOLOKIN

NUEBALA EBAIBULI: “Aso korai ŋinituŋanan yenisunyit aiirar, yeniyapi einer.” (Yakob 1:19) Ekoto ikon idwe inerasi keda ijo kailajara. Ekoto bobo kesi kojenete ebe irai ijo loikapakina aipup kesi inerasi. Kodum aiboisit naililingi tetere ikon idwe epedorete einer keda ijo kailajara. (Yakob 3:18) Arai ejenete ikon idwe ebe idedeng ijo mam epote einer kailajara. Korai loiyapapera kenejaas idwe kon, kitodik kesi duc ebe imina ijo kesi.—Matayo 3:17; 1 Ikorinton 8:1.

NUIPEDORI IJO ASWAM:

  • Kodumunenei apak kanu einer keda idwe kon

  • Kinerananasi keda idwe kon duc duc, mere nejaatatar kesi keda atiokisio bon

2 KOTAMAK AMISIKIN CUT NUEKOTOSI IDWE KON

NUEBALA EBAIBULI: “Ŋol loibwaikini eketau akirot edumuni ajokis.” (Awaragasia 16:20) Ice sawan ekoto ijo aomoom kaidules kanu amisikin akote naka idwe kon. Etapit duc idwe aiyat akiro araibo alimun numam cut elosikinitos alimun. “Loeboŋokin koriŋa epupuno, ŋes abaŋaanut.” (Awaragasia 18:13) Mam kisunyit anyunyurikin.—Awaragasia 19:11.

NUIPEDORI IJO ASWAM:

  • Mam kisunyit aitolitol araibo nat adedengar, arai da mam nuinerasi idwe kon isialamikinitos ijo

  • Kiitu aparasia nuirokor ijo irai ikoku kosodi aomom nuinyoika araas nuapolok kaneijai ijo

 3 KICORATA IDWE KUS NEPEPE

NUEBALA EBAIBULI: “Okokuka, kiira ijo aituutoor naka papakon, Sirikiŋer da aicor naka totokon.” (Awaragasia 1:8) Ijaikinit Yawe apedor na aipuga idwe nejaas iuriak kere papa keda toto. Ibusakinit ijo aisisianakin idwe kon ayongite ka arimarite Yawe. (Ipeson 6:1-3) Epedorete idwe ajenun ebe mam iuriak kec “imorikikina cut kotoma aomisio.” (1 Ikorinton 1:10) Arai kipegakinos, kotamata nuipedorete mam aswam ngun akonyen idwe kus naarai epedori do na ainakin idwe kus emwangete yesi.

NUIPEDORI IJO ASWAM:

  • Komorutu ido kocamanaros eipone loebeitor yesi aitutuor idwe kus

  • Arai kijaas ijo kede aomisiot naegitakina keda nowaikon koipone kalo aitutuor idwe, kotamak ber apupokin aomisiot ayenowaikon da

 4 KOJAUN KEDE EPULAANI

NUEBALA EBAIBULI: “Kitanaik ikoku erot loibusakinit alosenenoo.” (Awaragasia 22:6) Asioman naka idwe kon naitelekarit mam ebuni atakanun kwape akangas. Kojaas keda epulaani loimoriarit aitutuor idwe kon. (Isabulin 127:4; Awaragasia 29:17) Aitutuor mam akepolou erai ebe alecor, konye imoriarit aingarakin idwe kon amisikin ekisil loebeit nges aitup. (Awaragasia  28:7) Aso kisisianak kes amina akirot ke Yawe ka amisikin ipitenoke da. (Isabulin 1:2) Ebuni do na aingarakin kes adukun aomisio nukajokak.—Iburanian 5:14.

NUIPEDORI IJO ASWAM:

  • Ekoto ijo aanyun ebe ikonidwe esesenete Edeke kwape etunganan elopet lo epedorete kesi amunokin

  • Kingarak kesi aisisiaun ka ainac iponesio luarokok, kwape nat ngul luejaas toma Olago ka aruconokin kede itunga luipu olago. Kisisianak kesi eipone loinacet itunga luitaparete kotoma ayelo

“Kitanaik ikoku erot loibusakinit alosenenoo”