Kosomar nuejaas toma

Skip to secondary menu

Skip to table of contents

Ajenak Luka Yawe

Ateso

Anyoika Bo Cut Nuisisianakini Ebaibuli?

NUIYATAKINITAI

Yesu Kristo—Mesia Loesumunitai

Yesu Kristo—Mesia Loesumunitai

KANU aingarakin oni ajenun Mesia, abu Edeke Yawe koinak inabin luka Ebaibuli aidwar akiro nuipu nuikamunitos aurio, aijanakin ka atwanare naka Ekalakunan kalo. Ngun kere nuadwarit Ebaibuli apotu kitodolikinos kane ajai Yesu Kristo. Eraasi nu nuijaikitai kaidules ido kibecokina koipone kalo eumokina. Kanu aituput nu, kaanyutu ber oni adwareta adis nuikamunitos aurio kede apoloun naka Mesia.

Abu enabi Isaia kodwarite ebe, ebuni Mesia alomun kokek loka Ekabaka Daudi. (Isaia 9:7) Aponi teni kourunai Yesu kokale loka Daudi.—Matthew 1:1, 6-17.

Mika, enabi bobo ece loka Edeke adwarit ebe, ebuni ikoku yen araun ekepugan ido ebunio aurikin ngesi “Bet-lekem Epurata.” (Mika 5:2) Kapaarasia nu auriere Yesu, ajaasi ibomaei iyaarei toma Isirael lu anyaritai Bet-lekem. Ediopet ajai engalakimak naka eboma loka Nasaret, ido ece edunyasi ka Yerusalem kotoma Yuda. Bet-lekem naedunyasi ka Yerusalem anyaritai sek Epurata. Aponi kourikinai Yesu oboma ngopengon kwape cut adwaritere!—Matayo 2:1.

Adwarasit ace naka Ebaibuli enerit ebe, enyarauno Okoku loka Edeke “anyoun koMisiri.” Aponi koyangarai ikoku Yesu Misiri. Kinyakunai akaulo natwania Kerode, aitodolikin nuadwaritai.—Kosea 11:1; Matayo 2:15.

Toma asaduka [“Adwarasia Nuikamunitos Mesia”], awadikaeta nuka Ebaibuli nuibwaikitai kwap naka akou, “Adwarasit” ejaatar nuipu kaidules nuikamunitos Mesia. Kilipitai do kitirian nu kede isulai nuijakitai kwap naka akou “Aitodolikinet.” Aswam kwangin, ebuni aiyatakin aitogogong aiyuun kon nejai abeit naka Akirot ke Edeke.

Neingicia ijo awadikaeta nu nuka Ebaibuli, kojen ebe ngun nuadwaritai kewadikatai sek ikaru akwat kakwat keringa euruna Yesu. Etetemit Yesu atiar: “Ibusakinit kitodolikinos akiro kere nuiwadikatai kokisila luka Musa, ka inabin, ka isabulin, nukabeito.” (Luka 24:44) Kwape ipedoria ijo aitigogong kotoma Obaibuli kon, apotu nu kitodolikinos—kaidules cut!

ADWARASIA NUIKAMUNITOS MESIA
NUAJAASI ADWARASIT AITODOLIKINET
Kourunai kateker naka Yuda Ageun 49:10 Luka 3:23-33
Kouri abekot Isaia 7:14 Matayo 1:18-25
Etatait loka Ekabaka Daudi Isaia 9:7 Matayo 1:1, 6-17
Kitijen Yawe ebe erai Yesu Okokuke Isabulin 2:7 Matayo 3:17
Luipu mam apotu kiyuut ngesi Isaia 53:1 Yokana 12:37, 38
Koloma Yerusalem ibwanenit asigiria Sekaria 9:9 Matayo 21:1-9
Kobilak epaupa ke abotet Isabulin 41:9 Yokana 13:18, 21-30
Kobilakinai abotet kanu apesan 30 Sekaria 11:12 Matayo 26:14-16
Kililingik luewosaete nges Isaia 53:7 Matayo 27:11-14
Kilamilamata iroeta kanuka ekaso ke Isabulin 22:18 Matayo 27:35
Kisekeleto nges neajaar okitoi Isabulin 22:7, 8 Matayo 27:39-43
Amamei akoit ke nabu kobila Isabulin 34:20 Yokana 19:33, 36
Kidaai kalu kabarak Isaia 53:9 Matayo 27:57-60
Kitajarunai eriko ebosa Isabulin 16:10 Aswamisio 2:24, 27
Kiboikin akani nakoteten naka Edeke Isabulin 110:1 Aswamisio 7:56

← Koan nuu kosula aloitetemitai ane