Kosomar nuejaas toma

Skip to secondary menu

Skip to table of contents

Ajenak Luka Yawe

Ateso

Anyoika Bo Cut Nuisisianakini Ebaibuli?

NUIYATAKINITAI

Euritai Kereka Yesu Desemba?

Euritai Kereka Yesu Desemba?

MAM Ebaibuli alimokinit oni apak na euritere Yesu. Konye, ijaikit oni akiro nu itodunitos ebe mam euritai ngesi Desemba.

Kesisiautu epone loakusiata ikwamin kapak nakekaru ko Bet-lekem, nakeuriere Yesu. Elap loka Iyudayan Kisileb (loiriamar kede Nofemba/Desemba) arai elap loelilim, ido kopol edou noi. Elap lo etupakin nges Tebesi (Desemba/Januari). Erai elap loalilim noi kotoma okaru, ido kacepokio kojanakin akako. Kaanyutu ber oni nuebala Ebaibuli nuikamunitos ikwamin katutubet kana.

Eiwadikan loka Ebaibuli Esera itodunit ebe kerai teni Kisileb elap loajenara kanu alilim ka edou. Akaulo naka alimun ebe, katukokina ikodeta Yerusalem “elap lokikanyetekaoŋon [Kisileb], kapaaran naka akaisaarei naka elap,” ebala Esera ebe: “Komaranete…kanuka akiru da naapol noi.” Nuikamunitos ejautene loka ikwamin kotoma apak kana naka ekaru, itunga ikulepek luatukokinitai abalasi ebe: “Ŋes apak naka akiru naepol, mam kipedori aibwo kokiŋa.” (Esera 10:9, 13; Yeremia 36:22) Mam do erai nuka aumokin ebe apotu ecokok lueboete katutubet kangin kojanakinos otogoi ka isipanin kec naedoluna elap loka Desemba!

Icokok ka ikecesipan

Neauriere Yesu, ajaasi ikecokok ka ikecesipan ais kuare

Konye itijenunit Ebaibuli ebe ajaasi ecokok ais idarete ekecesipan akuare nauriere Yesu. Kabeit, itodunit ewadikan loka Ebaibuli Luka ebe kapak kangin, “kojaasi ikecokok kakwap kaŋin lukiboete kais idarete ekecesipan kuare,” eiduny ka Bet-lekem. (Luka 2:8-12) Koany ebe ajaasi ikecokok eboiete kais, konye mere ebe elatosi kesi kokinga kosawan lukapaaran. Ajaasi kesi kede ikecesipan ais kuare. Konye iriamara kereka aitetemet ngin, naecokok aiboi kokinga, kede alilim ka akiru najai Bet-lekem elap loka Desemba? Mam cut iriamara. Kanukangun, nuajaasi toma apak nauriere Yesu itodunitos ebe mam nges euritai Desemba.*

Elimokinit oni Akirot naka Edeke kaibecokina apak natwania Yesu, konye ijaikit adis nuikamunitos apak nauriere nges. Ingarakinete nu oni ajenun akiro nuka Ekabaka Solomon: “Ekiror loejok itelekarit akinyet naka akais nuipu; Apaaran da nakatwanare itelekarit apaaran nakaurio.” (Ekalimonokinan 7:1) Mam erai nu aumokin do ebe, ijaikinit Ebaibuli akiro nuipu kaidules nuikamunitos aijanakin naka Yesu kede atwanare ke, konye kijaikite akiro adis nuikamunitos apak naka aurioke.


*  Kanu ajenun nuipu koany apapulai 176-9 koitabo Reasoning From the Scriptures, loinomitos Ajenak luka Yawe.

← Koan nuu kosula aloitetemitai ane