Kosomar nuejaas toma

Skip to secondary menu

Skip to table of contents

Ajenak Luka Yawe

Ateso

Anyoika Bo Cut Nuisisianakini Ebaibuli?

NUIYATAKINITAI

Epone Loadwaritor Enabi Daniel Abunere Naka Mesia

Epone Loadwaritor Enabi Daniel Abunere Naka Mesia

KAJAI enabi Daniel toma akwap ikaru 500 eroko keuruna Yesu. Konye, abu Yawe kitodik Daniel akiro nuapedorete aingarakin aitijenun apak nabeitor ainyonyoikina araibo aseuna Yesu kwape Mesia araibo Kristo. Aponi kolimokinai Daniel: “Aso do kojen komisiiki, egeun naalomunia aicorakinet ainyakar ka aiduk Yerusalem kiton ekapolon loinyonyoikinio akinyet, ejaunos asabaton akanykaarei: asabaton da akaisakanykape ka nuarei, kodukoi bobo, irotin ka arwatatin, konye kapakio nuka ican.”—Daniel 9:25.

Kanu apedor ajenun apak naebeitor Mesia abunio, ekot ber oni aisisiaun ageunet naka apak naebeitor Mesia abunio. Kanejai adwarasit, “ageun naelomunia aicorakinet ainyakar ka aiduk Yerusalem.” Wori bo ejaikinere aicorokinet na? Kane ejai Nekemia ewadikan Ebaibuli, abu akirot kolomunite abongor bobo aiduk arwatatin airimor Yerusalem “kokaru loka akaisaarei loka Aratasasata ekabaka.” (Nekemia 2:1, 5-8) Esisiak akiro nukolosek kesi itigogongitos ebe ekaru 474 Eroko Keuruna Yesu (E.K.Y.) nges arai ekaru ke Aratasasata losodit kaileleba kwape epugan. Aso ekaru ke loakaisarei loapugan nges erai 455  E.K.Y. Kijatar do kwana oni kede ageunet naka adwarasit ka Daniel naikamunit Mesia nes 455  E.K.Y.

Itodunit Daniel apak naedaun kobuni do ‘Loinyonyokinio Ekeŋarenon.’ Elimorit adwarasit “asabaton ikanykaarei ka asabaton da akaisakanykape ka nuarei”—aimorikikin kere eraunosi asabitin 69. Etia bodo aojau kapak kana ai? Ajuleta nuka Ibaibulin luipu itodunitos ebe mam nu araasi isabitin nuka aparaasia, konye isabitin luka ikaru. Apolou ke ebe ngin sabiti ebwoikinit ikaru ikanyaarei. Kajenete Iyudayan ikaru luepone kalo araibo aibunget naka ikaru ikanyaarei. Kwape aanyunet, eiitununete kesi ekaru loka Esabato akaulo naka ikaru ikanyaarie. (Anyoun 23:10, 11) Kanuka ngun, adwarasit na isabitin 69 eraunos do 69 irwan ikaru 7, luijaikinete ikaru 483.

Kigeu oni aimar kokaru 455 E.K.Y., ikaru 483 eyaunete oni kiton okaru loka 29 Akaulo Nakeurunere Yesu. (A.N.Y) Ngol nges cut ekaru lo abu Yesu kibatisaunor ido koraunor Mesia!* (Luka 3:1, 2, 21, 22) Mam kereka ngin erai aitodolikinet naka adwarasit naka Ebaibuli naewumokina?


*  Ageun 455 E.K.Y. kitoni 1 E.K.Y. araasi ikaru 454. Ageun 1 E.K.Y. kitoni 1 A.N.Y erai ekaru ediopet (emamei ekaru loenoti). Aso ageun 1 A.N.Y kiton 29 A.N.Y eraasi ikaru 28. Atukokin inabai lu iuni kijaikinete oni ikaru 483. Aponi koarai Yesu okaru 33 A.N.Y., kotoma osabiti loka akaisakanyaarei luka ikaru. (Daniel 9:24, 26) Koany eitabo Pay Attention to Daniel’s Prophecy! Esula 11, kede Insight on the Scriptures, Volume 2, apapulai 899-901. Kere luiwadikatos Ajenak luka Yawe.

‘ISABITIN AKAISAKANYAAREI’
Ikaru 490
Isabitin 7
(Ikaru 49)
Isabitin 62
(Ikaru 434)

E.K.Y. | A.N.Y.

Esabiti 1
(Ikaru 7)
455

“Aicorakinet na ainyakar ka aiduk…Yerusalem”

Ameje naka Yerusalem
406

Kodukunai bobo Yerusalem

Kodukunai bobo Yerusalem
29

Kodolu Mesia

Kibatisai Yesu
33

‘Koyarai Mesia’

Kotwana Yesu
36

Esange loka ‘Isabitin 70’

Esirikalet Iromayon

← Koan nuu kosula aloitetemitai ane