Kosomar nuejaas toma

Skip to secondary menu

Skip to table of contents

Ajenak Luka Yawe

Ateso

Eitaboka Loka Akiro Nuitetemit Ebaibuli

Eitaboka Loka Akiro Nuitetemit Ebaibuli

Eitaboka Loka Akiro Nuitetemit Ebaibuli
Inerasi Yesu ka iduwe

ERAI lo eitabo loka akiro nuitetemitai nukabeit. Elemunitai kesi kotoma Obaibuli, eitabo lokapolon loka akwap kere. Akiro nuitetemitai kane ijaikinete ijo akiro nukolo nuka akwap ageun ne asubia Edeke akwap kiton apaarasia wok nupenuu. Elimunitos akiro nu bobo nuisumunit Edeke aswam koingaren.

Ijaikini eitabo lo ijo aomisiot na ikamunit Ebaibuli. Inera nuikamunitos itunga luko Obaibuli ka nuapotu kesi iswamata. Itodiarit bobo amun nati na ejaiki Edeke itunga naka aijar namam edaun kotoma aparadais kakwap.

Ejaasi akiro nuitetemitai 116 toma oitabo lo. Etiakatiakaitai kes toma atutubena akanyauni. Apapula na egeuni kanginitutubet itetemi kaurianut nu edumakinio atutubet ngin. Aitetemeta nu itodiaritai kotupitete eipone lo aswamaunotor akiro nukolo. Ingarakini na ijo aisisiaun iwori, kotoma aitirian kede akiro ace, eswamaunotor iboro kotoma akiro nukolo.

Itetemitai akiro nu kangajep naepatana. Luipu kayesi odwe ipedorete aisiom kes ikulepek bon. Idumunete yes auriak ebe iyalamikinos ikusidwe luididik asiomanakinio akiro nu duc duc. Idumunete yes ebe eminas atumunak ka luapolok da eitabo lo noi.

Ijaaikinitai ikokoron luka Ebaibuli kangeset naka aitetemet. Isinyikokitai ijo aisiom atutubeta nuka Ebaibuli nu elemunitere akiro nuitetemitai kotoma.

Ikokoron luka Ebaibuli lu ijuluritai koitabo kalo kesi mam etakunitai kwape ejaatar. Epikakinitai kopone lo epatanikina idwe ludidik amisikin apolou kec. Ikokoron luijaikinitai kangetakinet na aitetemet kesi itodiaritos. ne elomunitotor akiro Obaibuli.